“Ayaks” bosh murabbiyi Alfred Sxroyderni iste’foga chiqardi. Bu haqda klub matbuot xizmati ma’lum qildi.
Niderlandiya chempionatining 18-turi doirasida “Volendam”ga qarshi kechgan o‘yindagi durangdan (1:1) keyin jamoa mutaxassis bilan xayrlashgan.
Amsterdamliklar ligada ketma-ket 7 o‘yindan beri g‘alaba qozona olmayapti. Bunaqasi klub tarixida 1965-yildan beri kuzatilmagandi. Bu tarixdagi eng yomon natijaning takrorlanishi.
Erik ten Hag 2022-yilning yozida “Manchester Yunayted”ga yo‘l olgach, Sxroyder “Ayaks” boshqaruviga tayinlangandi. Uning klub bilan amaldagi shartnomasi 2024-yil yoziga qadar mo‘ljallangandi.
Izoh (0)