“Аякс” бош мураббийи Алфред Схройдерни истеъфога чиқарди. Бу ҳақда клуб матбуот хизмати маълум қилди.
Нидерландия чемпионатининг 18-тури доирасида “Волендам”га қарши кечган ўйиндаги дурангдан (1:1) кейин жамоа мутахассис билан хайрлашган.
Амстердамликлар лигада кетма-кет 7 ўйиндан бери ғалаба қозона олмаяпти. Бунақаси клуб тарихида 1965 йилдан бери кузатилмаганди. Бу тарихдаги энг ёмон натижанинг такрорланиши.
Эрик тен Ҳаг 2022 йилнинг ёзида “Манчестер Юнайтед”га йўл олгач, Схройдер “Аякс” бошқарувига тайинланганди. Унинг клуб билан амалдаги шартномаси 2024 йил ёзига қадар мўлжалланганди.
Изоҳ (0)