Dubayda dunyodagi birinchi 3D bosma masjid quriladi. Bu haqda Khaleej Times xabar berdi.
“Xarajat nuqtayi nazaridan, bu an’anaviy tarzda masjid qurishdan o‘ttiz foizga qimmat turadi. Sababi bu dunyodagi birinchi shunday loyihadir. Kelajakda 3D kafolati o‘ttiz yil bo‘ladi”, — dedi Dubay Islomiy va xayriya ishlari bo‘limi rahbari Al Shayboniy.
Dubayning 3D bosib chiqarish strategiyasi
Masjidni 3D bosib chiqarish texnologiyasidan foydalangan holda qurish qarori Dubayning 2030-yilga borib yetakchi texnologik markazga aylanish niyatiga mos keladi. Dubayning 3D bosib chiqarish strategiyasi 2016-yilda Dubay hukmdori shayx Muhammad bin Rashid al-Maktum tomonidan amirlikni mintaqaviy va global texnologiya markazi sifatida targ‘ib qilish maqsadida boshlangan tashabbusdir.
Ushbu maqsadga erishish uchun shahar hokimiyati 2030-yilgacha barcha qurilish loyihalarining kamida 25 foizini 3D bosib chiqarish texnologiyasiga o‘tkazishni rejalashtirmoqda. Munitsipal mutasaddilarning hisob-kitoblariga ko‘ra, bu mehnat xarajatlarini 70 foizga, qurilish xarajatlarini esa 90 foizgacha kamaytirish imkonini beradi.
Bu qaror qator mamlakatlarni qurilish texnologiyalari ishlab chiqaruvchilarini mahsulotlarini Dubayga jo‘natish va ulardan eksperimental tuzilmalarni yaratishda foydalanishga ilhomlantirdi.
Masjidning umumiy konstruktsiyasini qurish taxminan to‘rt oy, binolarni ichki bezatish uchun esa yana o‘n ikki oy davom etishi kutilmoqda.
Mavzuga doir: Dubayda dunyodagi eng baland osmono‘par bino quriladi (video)
Izoh (0)