“Avatar: Suv yo‘li” kassa yig‘imlari bo‘yicha “O‘rgimchak odam” filmini ortda qoldirdi
“Avatar: Suv yo‘li” franshizasi Marvel studiyasi tomonidan suratga olingan “O‘rgimchak odam: Uyga yo‘l yo‘q” kinokartinasini dunyo bo‘ylab yig‘ilgan mablag‘ miqdori bo‘yicha ortda qoldirdi. Bu esa Gollivudning mashhur rejissori Jeyms Kemeronning blokbasteriga tarixdagi eng yuqori daromad keltirgan filmlar ro‘yxatida oltinchi o‘rinni egallash imkonini berdi.
Film kassada hozirga qadar 1,928 milliard dollar mablag‘ yig‘di. “Avatar 2” franshizasi AQSHdan 574 million dollar, xalqaro hududlardan 1,35 milliard dollar to‘plangan. “O‘rgimchak odam” kinokartinasi esa 2021—2022-yilda umumiy 1,921 milliard dollar yig‘ishga muvaffaq bo‘ldi. Shu hafta oxiriga qadar “Avatar: Suv yo‘li”ning kassa yig‘imlari 2 milliard dollardan oshib ketishi kutilmoqda.
Barcha davrlarning eng yaxshi 5 ta filmi: “Avatar”, “Qasoskorlar: Final”, “Titanik”, “Yulduzlar jangi: Kuch uyg‘onadi” va “Qasoskorlar: Cheksizlik urushi” kinokartinalari hisoblanadi. Mutaxassislarning taxminicha, “Avatar: Suv yo‘li” blokbasteri ushbu filmlarning kamida ikkitasini ortda qoldira oladi.
Mavzuga doir:
- Sezmagansiz ham: “Avatar” filmida yo‘l qo‘yilgan qo‘pol xatolar.
- “Avatar-2” 2022-yilning eng kassabop filmi bo‘ldi. Jeyms Kemeron kinofranshizani davom ettirishini aytdi.
- Jeyms Kemeronning “Avatar: Suv yo‘li” filmida rol o‘ynagan aktyorlar qanday ko‘rinishga ega? (foto).
