Dunyoga mashhur rejissor Jeyms Kemeronning “Avatar: Suv yo‘li” filmi dunyo bo‘ylab eng ko‘p daromad keltirgan kinokartinalar safiga kiritildi. Filmda rol ijro etgan aktyorlar ham yanada mashhurlikka erishib, tomoshabinlar e’tirofiga sazovor bo‘ldi, biroq bir qarashda unda qaysi aktyorlar rol ijro etganini bilib bo‘lmaydi.

“Avatar: Suv yo‘li” filmi sohilbo‘yi qirg‘oqlari, orollar, riflar va chuqur dengizlarda yashovchi suv dunyosi aholisi, insonlar haqida hikoya qiladi. Kinokartinaning davomiyligi 3 soat 10 daqiqani tashkil qiladi.

Film Na’vi o‘rmonlaridagi voqealar bilan boshlanadi, u yerda bosh qahramon Jeyk Salli (kinokartinada ushbu rolni Sem Uortington gavdalantirgan) sevgilisi Neytiri (bu rolni aktrisa Zoi Saldana ijro etgan) bilan birinchi marta uchrashgan, biroq osmondan kelgan insonlarning (Yer sayyorasining harbiylari va boshqa mavjudolar) qaytishi ularni yashayotgan joyini tashlab ketishga majbur qiladi.

Filmning asosiy voqealari Pandora okeanida sodir bo‘ladi, u yerda Jeyk Salli Tonovari (Kliff Kertis) va Ronayl (Keyt Uinslet) tomonidan boshqariladigan Metkayina riflari klani bilan uchrashadi. Ammo ular bu tanishuvdan mamnun bo‘lmaydi — yangi ittifoqchi orqasidan qurol-yarog‘lari bilan yerliklar keladi (Jeyms Kemeronning rejasiga ko‘ra, bu mojaro hozirgi global qochqinlar inqirozini aks ettirgan).

Sem Uortington — Jeyk Salli

Sem Uortington “Avatar” franshizasiga Jeyk Salli obrazida qaytdi, uning kinokartinadagi obrazi har doim Na’vi sifatida hayot kechiradi. Jeyk Omatikaya xalqi sifatida tanilgan Pandoradagi o‘rmon qabilasining rahbari hisoblanadi.

“Bu filmni yaratish emas, muhabbat mehnati. Bu shunga o‘xshaydi. Biz avval hech qachon qilmagan ishlarimizni qildik. Men va Jeyms Kemeron til topishamiz”, — deydi aktyor Sem Uortington filmning yaratilish jarayoni haqida.

Sigurni Uiver — Jeyk va Neytirining qizi

Sigurni Uiver “Avatar” filmining birinchi qismida olim Greys rolini o‘ynagan, biroq u kinokartinaning ikkinchi qismiga boshqa qahramon sifatida qaytdi. Aktrisa “Avatar: Suv yo‘li” filmida Jeyk va Neytirining asrab olingan o‘smir qizi — Kiri rolini ijro etdi. Uiver Empire jurnaliga bergan intervyusida o‘zini o‘smir qizning o‘rniga qo‘yishi unchalik qiyin bo‘lmaganini aytgan.

Zoi Saldana — Neytiri

Aktrisa Zoi Saldana o‘zining rolini Jeyk Sallining rafiqasi va Omatikaya xalqining eng zo‘r jangchilaridan biri, ya’ni Neytiri rolida takrorladi. Aktrisa suvga sho‘ng‘ish sahnalarini suratga olish jarayonlarida suv ostida besh daqiqa nafasini ushlab turishga muvaffaq bo‘ldi. Saldano Variety nashriga bergan intervyusida Jeyms Kemeron bilan ishlash imkoniyati hayotda bir marta beriladigan hamkorlik ekanini aytgan.

Kliff Kertis — Tonovari

Aktyor Kliff Kertis filmda Metkayn qabilasining boshlig‘i Tonovari rolini o‘ynadi. “Bu men uchun eng yuqori tajriba. Menga hammasi, ayniqsa, suvda bo‘lish juda yoqdi. Bu men uchun haqiqiy uy edi, men o‘zimni juda qulay his etdim”, — deydi u film namoyishi jarayonida bergan intervyusida.

Keyt Uinslet — Ronal

Gollivud yulduzi Keyt Uinslet “Avatar” franshizasiga Suv qabilasidagi Ronal (filmda Metkayna nomi bilan tanilgan) va qabila boshlig‘i Tonoviraning rafiqasi rolida qo‘shildi. Ronal homilador bo‘lsa ham vatanini himoya qilish uchun kurashadi. “U kuchli. Jangchi”, — deydi Uinslet Empire jurnaliga bergan intervyusida o‘z qahramoni haqida.

Britan Dalton — Loak, Jeyk Sulli va Neytirining ikkinchi o‘g‘li

Britan Dalton kinokartinada Loak, ya’ni Jeyk va Neytirining ikkinchi o‘g‘li rolini ijro etdi. U ota-onasining buyrug‘ini bajarishga kelganda o‘zini biroz jahldor tutadi. Loak har doim katta muammolarga duch keladi, chunki u otasining qoidalariga amal qilmaydi. “U isyonchi, muammoga duchor bo‘ladigan mavjudot”, — deydi Dalton o‘z obrazi haqida.

Bundan tashqari filmda:

• Jovanni Ribizi — Parker Selfridj;
• Edi Falko — general Ardmor;
• Mishel Yeo — Doktor Karina Mog;
• Jemeyn Klement — doktor Yan Garvin;
• Una Chaplin — Varang rolini ijro etgan.

• Amerikalik aktyor Mett Deymon “Avatar” filmida suratga tushmagani uchun 250 million dollardan quruq qoldi.
• “Avatar: Suv yo‘li” filmining yangi treyleri namoyish etildi (video).
• “Bilasizmi nima? Men ‘Titanik’ni suratga olganman” — Jeyms Kemeron “Avatar”dagi xronometraj uchun qanday kurashganini so‘zlab berdi.
• “Avatar 4” filmining suratga olish ishlari boshlandi.