Futbol bo‘yicha Italiya Kubogining 1/8 finalida “Roma” 12-yanvar, payshanba kuni “Jenoa”ni mehmon qildi.
Uchrashuvda rimliklar 64-daqiqada Paulo Dibala tomonidan urilgan gol evaziga g‘alaba qozondi. O‘zbekistonlik futbolchi Eldor Shomurodov ushbu o‘yinda maydonga tushmadi.
Shu tariqa “Roma” Italiya Kubogining chorak finaliga yo‘l oldi. Shuningdek, “Fiorentina” ham keyingi bosqichga chiqdi.
Avvalroq “Inter” va “Torino” chorak final yo‘llanmasiga ega chiqqandi.
Italiya Kubogi
1/8 final bahsi
12-yanvar, payshanba
“Roma” – “Jenoa” 1:0
Gol: 1:0 – 64 Dibala.“Roma”: Ruy Patrisiu, Manchini, Kumbula, Rojer, Matich, Pellegrini (Dibala, 46), Bove (Kristante, 61), Zaniolo (Tahirovich, 87), Zalevski (Chelik, 75), Abraham, ash-Shaaravi (Spinassola, 62).
“Jenoa”: Jozep Martines, Sabelli, Bani, Volyakko, Dregushin, Chiborra (Krishito, 63), Badel (Strotman, 64), Sturaro (Frendrup, 64), Galdames (Aramu, 75), Koda (Pushkash, 75), Yalchin.
Ogohlantirishlar: Bove (35), Zaniolo (57), Chiborra (59), Volyakko (83).
Izoh (0)