FIFA yilning eng chiroyli goli nomiga da’vogarlar ro‘yxatini ma’lum qildi (video)

FIFA yilning eng chiroyli goliga taqdim etiladigan “Pushkash sovrini”ga da’vogarlar ro‘yxatini e’lon qildi.

Ro‘yxatga o‘nta gol kiritilgan. Undan erkaklar va ayollar futboli, shuningdek, amputantlar o‘rtasidagi futbol o‘yinlari kiritilgan eng chiroyli gollar o‘rin olgan.

Nomzodlar bilan tanishing: Mario Balotelli (“Adana Demirspor” / “Syon”), Dimitri Payet (“Marsel”), Teo Ernandes (“Milan”), Alu Kyuol (Avstraliya U-23), Amandin Anri (“Lion” ayollar jamoasi), Kilian Mbappe (Fransiya, “PSJ”), Fransisko Gonsales (“Sentral Kordoba”), Marchin Oleksi (“Varta”), Salma Paralluelo (“Vilyarreal” ayollar jamoasi), Risharlison (Braziliya, “Tottenhem”), Alessiya Russo (Angliya ayollar terma jamoasi).

Nomzodlarni saralashda 2021-yilning 8-avgustidan 2022-yilning 18-dekabriga qadar bo‘lgan muddatda urilgan gollar inobatga olingan.

Ferens Pushkash nomidagi sovrin 27-fevral kuni o‘tkaziladigan The Best marosimida topshiriladi.

Avvalroq yilning eng yaxshi futbolchisi, eng yaxshi murabbiy va eng yaxshi darvozabon nomiga da’vogarlar ro‘yxati e’lon qilingandi.