Futbol mutaxassisi Alisher Nikimbayev JCH—2022 da Osiyo terma jamoalarining o‘yini syurpriz bo‘lgani haqida gapirdi.
Men uchun birinchi syurpriz Eron bo‘lgan. Chunki terma jamoada chempionatdan oldin juda ko‘p muammolar bo‘lgan. Dastlab Skochichni olib tashlamoqchi bo‘lishgan, bir haftadan so‘ng yana qaytardi. Undan so‘ng baribir Draganni iste’foga chiqarib, Karlush Keyrushni olib kelishdi. To‘g‘risini aytsam, o‘sha vaqtda Keyrushga ishonmaganman. Chunki shunday gap borku, bitta daryoga ikki marta sho‘ng‘iy olmaysan. Shu sababdan u Eron bilan ikkinchi marta hech narsa qila olmasa kerak deb o‘ylaganman. Va 1-tur Angliyaga qarshi yirik hisobda mag‘lub bo‘lgach, gaplarim to‘g‘ridek tuyuldi. Lekin Uelsga qarshi bahsda umuman boshqacha Eron maydonga tushdi. Balki ular ham uyidagi siyosiy vaziyatga ko‘proq e’tibor qaratgandir. Shu sababdan birinchi o‘yini qovushmagandir.Yaponiya Xorvatiya bilan o‘yinda hisobni oxirigacha ushlaganda, balki Marokashga o‘xshab 3-4 o‘rin uchun kurashishi mumkin edi. Yaponiyani syurpriz deyish ham qiyin, chunki ularda 2050-yilgacha dastur tuzilgan. Ular o‘sha dastur bo‘yicha sekin-asta ishlayapti. Hamma kulgani qanaqasiga 50 yillik dastur bo‘lishi mumkin deb. Biroq o‘sha ishlayapti.
Saudiya Arabistoni Argentinani o‘yin bo‘yicha yutdi. Tasodif emas. Ularda bitta terma jamoa emas, Olimpiyachilari ham, o‘tgan yili ko‘rdik U-23 terma jamoasi ham yaxshi o‘ynagandi. Demak, ularda kamida yana bitta avlod bor.
Avstraliyada 10-15 yil oldingidek yulduzlar yo‘q. Lekin ular Daniya bilan bir guruhda bo‘lib, pley-offga chiqdi. Argentinaga qarshi oxirigacha kurashdi.
Alisher Nikimbayev, futbol mutaxassisi
Izoh (0)