ФИФА йилнинг энг чиройли голига тақдим этиладиган «Пушкаш соврини»га даъвогарлар рўйхатини эълон қилди.
Рўйхатга ўнта гол киритилган. Ундан эркаклар ва аёллар футболи, шунингдек, ампутантлар ўртасидаги футбол ўйинлари киритилган энг чиройли голлар ўрин олган.
Номзодлар билан танишинг: Марио Балотелли («Адана Демирспор» / «Сьон»), Димитри Пайет («Марсель»), Тео Эрнандес («Милан»), Алу Кюол (Австралия U-23), Амандин Анри («Лион» аёллар жамоаси), Килиан Мбаппе (Франция, «ПСЖ»), Франсиско Гонсалес («Централ Кордоба»), Марчин Олекси («Варта»), Салма Параллуэло («Вильярреал» аёллар жамоаси), Ришарлисон (Бразилия, «Тоттенҳэм»), Алессия Руссо (Англия аёллар терма жамоаси).
Номзодларни саралашда 2021 йилнинг 8 августидан 2022 йилнинг 18 декабрига қадар бўлган муддатда урилган голлар инобатга олинган.
Ференс Пушкаш номидаги соврин 27 февраль куни ўтказиладиган The Best маросимида топширилади.
Аввалроқ йилнинг энг яхши футболчиси, энг яхши мураббий ва энг яхши дарвозабон номига даъвогарлар рўйхати эълон қилинганди.
Изоҳ (0)