2022 йил ноябрь ойининг охирида Netflix’нинг «Уэнздей» сериали экранларга чиқди. Сериалда бош ролни ижро этган актриса Женна Ортега «Олтин глобус»да ўзининг расмий дебютини ўтказди, шу билан бирга, биринчи «Энг яхши рол» номинациясини олди. Лойиҳа қисқа вақт ичида машҳурликка эришди ва томошабинларнинг қалбидан жой олди.
Сериалдаги бош қаҳрамон Уэнздей ижро этган рақс эса дунё бўйлаб мухлисларини топди ва ижтимоий тармоқларда кўришлар сони бўйича рекорд ўрнатди. Женна Ортега «Уэнздей» сериалидаги рақси ҳақида фикр билдирди.
Актриса Etonline нашрига берган интервьюсида сериал намойиш этилганидан кейин ҳаёти ҳақиқатан ҳам ўзгарганини тан олди.
«Ҳаётимда ўзгариш бўлганини ҳис қиляпман. Бу, албатта, мен учун янги давр», — дейди актриса. Кейинчалик Женна Ортега сериалдаги катта машҳурликка эришган рақсига бундай кучли муносабат кутмаганини айтди, чунки рақснинг кўп қисми импровизациядан иборат.
«Ҳалигача ишона олмаяпман. Баъзи ҳаракатларни мен режалаштирганман, баъзилари эса ҳақиқий импровизация эди. Шунинг учун ҳақиқатан ҳам, кимдир миннатдорчилик билдириши ва буни ўзида синаб кўриши мен учун тушунарсиз», — деб фикр билдирган Женна Ортега ўз рақси ҳақида.
Мавзуга доир:
- Тасодифми ёки кўчирма? «Уэнздей» сериали воқеалари машҳур фильмларни ёдга солмоқда.
- «Уэнздей» сериалидаги Қўл томошабинларнинг севимлисига айланди. Бу ролни руминиялик кўзбойлоғич ижро этган.
- Фақат «Уэнздей» эмас: Жаҳон киноси тарихидаги энг ажойиб рақслар (видео).
- Уэнздей ролини қойилмақом ижро этган ва интернетни «портлатган» рақсни ўзи ўйлаб топган Женна Ортега ҳақида 20 та факт.
Изоҳ (0)