Barchada uy-joyga ega bo‘lish huquqi bor va boshpanasiz mushuklar bundan mustasno emas. Shuni inobatga olgan holda huquq-tartibot idoralari va Toshkentdagi jonivor sevuvchilar “Mushukkent” loyihasini boshlab yuborishdi. Poytaxtdagi birinchi bunday ochiq kottej 2019-yilda qurilgandi.
“Hayot” boshpanasi asoschisi Iroda Matkarimovaning “Daryo”ga ma’lum qilishicha, “Mushukkent” loyihasida asosiy vazifa mushuklarga boshpana berish hisoblanishiga qaramay, imkon qadar ko‘proq qarovsiz mushuklarni sterilizatsiya qilish va ularni atrof-muhitga qaytarish ham ko‘zda tutilgan.
Bugungi kunga qadar Toshkent shahrida uch yuzdan ortiq ochiq kottej qurildi. Bizning loyihamiz mushuklarni sevadigan va yoqtirmaydigan qo‘shnilar o‘rtasidagi nizolarni hal qilishga qaratilgan. Xuddi 911 ishonch telefoni kabi biz ham qutqaruv guruhimiz. Mushuklarni Mushukkent hisobidan parvarish qilamiz, loyiha esa befarq bo‘lmagan fuqarolardan onlayn to‘lov ilovalari orqali xayriyalarni qabul qiladi. Bu bizga mushuklarni sterilizatsiya qilish xarajatlarini qoplash imkonini beradi. Ikkinchi bosqich Milliy gvardiya tomonidan taqdim etilgan va o‘rnatilgan kottejlar qurilishini o‘z ichiga oladi. Loyihaga bir qancha tadbirkorlar ham qo‘shildi. Ayrim tashkilotlar kottejlar ham sovg‘a qildi, — deydi Iroda Matkarimova.“Hayot” boshpanasi “Mushukkent” loyihasi bilan bir qatorda hayvonlar huquqlari faoli Olga Vrevskaya raisligida ko‘plab tadbirlar, jumladan, bolalar uchun mehr saboqlarini o‘tkazadi. Uning aytishicha, mehr saboqlarini o‘tkazish g‘oyasi Iroda Matkarimovaga tegishli.
Darslarda biz bolalarga it va mushuklarning hayoti haqida, hayvonlarga g‘amxo'rlik qilish muhimligi haqida gapirib beramiz. Ikki yil ichida 50 ta mehribonlik darsini o‘tkazdik va bu darslar 10 mingga yaqin o‘quvchilarni qamrab oldi. Darslardan so‘ng, bolalar ota-onalaridan o‘z hovlilarida kottejlar qurishni so‘rashadi. Bundan tashqari, bolalar keyinchalik biz ko‘rgazmalarda namoyish etadigan rasmlarni chizishadi. Ularning rasmlari hayvonlarga bo‘lgan muhabbati va rahm-shafqatini tasvirlaydi. Biz allaqachon 500 ta rasm yig‘dik, — deydi kurator Olga Vrevskaya.Uning qo‘shimcha qilishicha, “Hayot” hududlardagi neyromarkazlarga alohida bolalar uchun zooterapiya o‘tkazishda yordam bermoqda.
Iroda va men hayvonlar terapiyasi orqali bolalarni reabilitatsiya qilish dasturini yo‘lga qo‘ygan O‘zbekistondagi birinchi ayollarmiz, – deydi Olga Vrevskaya.“Hayot” tashkilotining bir necha loyihalari shtab-kvartirasi Fransiyaning Parij shahrida joylashgan Brigitte Bardot fondi tomonidan e’tirof etilgan.
“Brigitte Bardot Foundation tomonidan qo‘llab-quvvatlangan loyiha bor edi. Loyiha bizga 600 dan ortiq hayvonlarni kastratsiya va sterilizatsiya qilishga yordam berdi. Ko‘ngillilarga ham o‘z minnatdorchiligimizni bildiramiz. Shunga qaramay, biz hozir katta sterilizatsuya va kastratsiya loyihasini ishlab chiqmoqdamiz; “Hayot” boshpanasida o‘tkazishni rejalashtirganmiz. Ayni damda biz antibiotiklar va dori-darmonlar inventarini yaratyapmiz. Veterinariya shifokorlari bilan muzokaralar olib borishga harakat qilyapmiz, chunki Toshkentda 11 ta veterinariya klinikasi mavjud”, — dedi veterinariya shifokori Natalya Raximullina. U respublika bo‘ylab ko‘ngillilarni ko‘proq jalb qilish zarurligini ta’kidladi.
Iroda Matkarimovaning so‘zlariga ko‘ra, Mushukkent uzoq muddatli loyiha. Uning doirasida tez orada mushuklar uchun avtobus xarid qilishga umid bildirilmoqda. Avtobuslardan hayvonlarni kastratsiya va reabilitatsiya qilinadigan ko‘chma davolash va reabilitatsiya markazi sifatida foydalaniladi.
Izoh (0)