Барчада уй-жойга эга бўлиш ҳуқуқи бор ва бошпанасиз мушуклар бундан мустасно эмас. Шуни инобатга олган ҳолда ҳуқуқ-тартибот идоралари ва Тошкентдаги жонивор севувчилар «Мушуккент» лойиҳасини бошлаб юборишди. Пойтахтдаги биринчи бундай очиқ коттеж 2019 йилда қурилганди.
«Ҳаёт» бошпанаси асосчиси Ирода Маткаримованинг «Дарё»га маълум қилишича, «Мушуккент» лойиҳасида асосий вазифа мушукларга бошпана бериш ҳисобланишига қарамай, имкон қадар кўпроқ қаровсиз мушукларни стерилизация қилиш ва уларни атроф-муҳитга қайтариш ҳам кўзда тутилган.
Бугунги кунга қадар Тошкент шаҳрида уч юздан ортиқ очиқ коттеж қурилди. Бизнинг лойиҳамиз мушукларни севадиган ва ёқтирмайдиган қўшнилар ўртасидаги низоларни ҳал қилишга қаратилган. Худди 911 ишонч телефони каби биз ҳам қутқарув гуруҳимиз. Мушукларни Мушуккент ҳисобидан парвариш қиламиз, лойиҳа эса бефарқ бўлмаган фуқаролардан онлайн тўлов иловалари орқали хайрияларни қабул қилади. Бу бизга мушукларни стерилизация қилиш харажатларини қоплаш имконини беради. Иккинчи босқич Миллий гвардия томонидан тақдим этилган ва ўрнатилган коттежлар қурилишини ўз ичига олади. Лойиҳага бир қанча тадбиркорлар ҳам қўшилди. Айрим ташкилотлар коттежлар ҳам совға қилди, — дейди Ирода Маткаримова.«Ҳаёт» бошпанаси «Мушуккент» лойиҳаси билан бир қаторда ҳайвонлар ҳуқуқлари фаоли Олга Вревская раислигида кўплаб тадбирлар, жумладан, болалар учун меҳр сабоқларини ўтказади. Унинг айтишича, меҳр сабоқларини ўтказиш ғояси Ирода Маткаримовага тегишли.
Дарсларда биз болаларга ит ва мушукларнинг ҳаёти ҳақида, ҳайвонларга ғамхўрлик қилиш муҳимлиги ҳақида гапириб берамиз. Икки йил ичида 50 та меҳрибонлик дарсини ўтказдик ва бу дарслар 10 мингга яқин ўқувчиларни қамраб олди. Дарслардан сўнг, болалар ота-оналаридан ўз ҳовлиларида коттежлар қуришни сўрашади. Бундан ташқари, болалар кейинчалик биз кўргазмаларда намойиш этадиган расмларни чизишади. Уларнинг расмлари ҳайвонларга бўлган муҳаббати ва раҳм-шафқатини тасвирлайди. Биз аллақачон 500 та расм йиғдик, — дейди куратор Олга Вревская.Унинг қўшимча қилишича, «Ҳаёт» ҳудудлардаги нейромарказларга алоҳида болалар учун зоотерапия ўтказишда ёрдам бермоқда.
Ирода ва мен ҳайвонлар терапияси орқали болаларни реабилитация қилиш дастурини йўлга қўйган Ўзбекистондаги биринчи аёллармиз, – дейди Олга Вревская.«Ҳаёт» ташкилотининг бир неча лойиҳалари штаб-квартираси Франциянинг Париж шаҳрида жойлашган Brigitte Bardot фонди томонидан эътироф этилган.
«Бригитте Бардот Foundation томонидан қўллаб-қувватланган лойиҳа бор эди. Лойиҳа бизга 600 дан ортиқ ҳайвонларни кастрация ва стерилизация қилишга ёрдам берди. Кўнгиллиларга ҳам ўз миннатдорчилигимизни билдирамиз. Шунга қарамай, биз ҳозир катта стерилизацуя ва кастрация лойиҳасини ишлаб чиқмоқдамиз; «Ҳаёт» бошпанасида ўтказишни режалаштирганмиз. Айни дамда биз антибиотиклар ва дори-дармонлар инвентарини яратяпмиз. Ветеринария шифокорлари билан музокаралар олиб боришга ҳаракат қиляпмиз, чунки Тошкентда 11 та ветеринария клиникаси мавжуд», — деди ветеринария шифокори Наталя Рахимуллина. У республика бўйлаб кўнгиллиларни кўпроқ жалб қилиш зарурлигини таъкидлади.
Ирода Маткаримованинг сўзларига кўра, Мушуккент узоқ муддатли лойиҳа. Унинг доирасида тез орада мушуклар учун автобус харид қилишга умид билдирилмоқда. Автобуслардан ҳайвонларни кастрация ва реабилитация қилинадиган кўчма даволаш ва реабилитация маркази сифатида фойдаланилади.
Изоҳ (0)