Qoraqalpog‘istonning Kegeyli tumanida odam o‘limi bilan bog‘liq yo‘l-transport hodisasi yuz berdi. Bu haqda Ichki ishlar vazirligi xabar qildi.
Qayd etilishicha, YTH soat 12 lar chamasida 4R-176 Nukus—Chimbay—Taxtako‘pir avtomobil yo‘lining 22−23-km oralig‘ida sodir bo‘lgan. Cobalt yo‘lning qarama-qarshi tomoniga chiqib ketib, qarshisidan kelayotgan Nexia-2 bilan to‘qnashgan.
Holat oqibatida Nexia-2 haydovchisi jarohat olib vafot etgan. Shuningdek, Nexia’dagi yo‘lovchi va Cobalt haydovchisi shifoxonaga yotqizilgan.
Holat yuzasidan tuman tergov bo‘limi tomonidan tekshiruv o‘tkazilmoqda.
Izoh (0)