Italiyalik musiqachi, kinoaktyor, estrada xonandasi, bastakor, jamoat arbobi va teleboshlovchi Adriano Chelentano 6-yanvar kuni 85 yoshni qarshiladi. Shu munosabat bilan “Lisa.ru” nashri aktyorning hayot va ijod yo‘li haqida ma’lumotlarni taqdim etdi.
Adriano 12 yoshida maktabni tashlab ketgan
Yosh Chelentano otasini erta yo‘qotdi, shuning uchun uning onasi Juditta yolg‘iz o‘zi besh farzandni tarbiyalashga majbur bo‘ldi. Bo‘lajak mashhur italyan aktyori eng kenja farzand edi. Adriano onasiga yordam maqsadida 12 yoshida maktabni tashlab, pul topishga qaror qildi.
Aktyorning birinchi kasbi soatsozlik bo‘lgan va bu bo‘yicha tog‘asiga shogird tushgan. Ularning binosi oldida musiqa plastinkalari do‘koni bor edi, uning oynasidan esa Elvis Preslining plakati ko‘rinib turgan.
Xonanda vegetarian bo‘ldi
Adriano 2005-yilda go‘sht va sut mahsulotlaridan voz kechishga qaror qildi va vegetarianga aylandi.
Adriano o‘zining ilk musiqiy qadamlarini Rock Boys’da qo‘ydi
Chelentano 1950-yilda onasi ham yaxshi ko‘rgan rok-n-rollga qiziqa boshladi. O‘sha paytda u qo‘shiq yozishni va Rock Boys bilan sahnada chiqishni boshladi. Ularning birinchi chiqishi 1957-yilda Italiyaning birinchi rok-n-roll festivalida “I’ll tell you chao” qo‘shig‘ining taqdimoti bilan bo‘lib o‘tdi. Bu voqea nafaqat san’atkorlar, balki ko‘plab muxlislarning xotirasida qoldi. Aynan o‘sha vaqtda guruh o‘zining birinchi albomini yozdi va keng ko‘lamli konsertlarda qatnasha boshladi.
Musiqachi 1960-yilda o‘zini aktyor sifatida sinab ko‘rdi
Chelentano musiqa yordamida ko‘plab ayollarning qalbidan joy olganda, bu bilan cheklanib qolmaslikka qaror qildi. Keyingi maqsad aktyorlik sohasini rivojlantirish edi, shuning uchun u filmlarda rol o‘ynay boshladi. Aktyorga “Shirin hayot” va “Milandagi o‘g‘rilik” filmlarida rollar berildi va ular yuqori baholandi.
“Azurro” (“Moviy”) qo‘shig‘i 2006-yilgi FIFA Jahon chempionatining norasmiy madhiyasiga aylandi
Italiyalik muxlislar xonandaning “Azurro” qo‘shig‘ini shu qadar yaxshi ko‘rishganki, ular taronani o‘yin tugashidan oldin ham, keyin ham kuylagan.
Chelentano “I mali del secolo” nomli studiyada yozilgan albomini insoniyatning zamonaviy muammolariga va vatani Italiyaga bag‘ishladi
Ispan tilidan tarjima qilingan albom “Asr muammolari” deb nomlanadi. Unda xonanda sanoat korxonalari tufayli havoning ifloslanishi, insonlarning yolg‘onlari va illatlari, brakonyerlik, shuningdek, o‘ylamasdan yo‘l qo‘yilgan xatolarni tuzatish imkoniyatlariga to‘xtalib o‘tadi.
“24 ming bo‘sa” qo‘shig‘i Chelentanoni g‘alabadan mahrum qildi
Xonanda Italiyaning Sanremo shahrida bo‘lib o‘tadigan festivalga taklif qilinganida, o‘zining “24 ming bo‘sa” taronasi bilan muxlislarning qalbini zabt etishga qaror qiladi. U chiqishlari davomida ikkilanmasdan tomoshabinlarga orqasini o‘girdi, taklif qilingan hakamlar esa bu holatni savodsizlik belgisi deb bildi va italiyalik xonandadan mukofotni qaytarib oldi. Biroq u tanlovda qatnashgani uchun faxriy ikkinchi o‘rin bilan taqdirlandi.
Adriano rafiqasi bilan deyarli 60 yil birga yashagan
Aktyorning qalbini zabt etish osonligi haqidagi mish-mishlarga qaramay, Chelentano rafiqasi, aktrisa Klaudiya Moriga sodiq qoldi. Ular 1964-yilda turmush qurdi va o‘shandan buyon birga yashab keladi, juftlikning Rosalind, Giakomo, Rosita ismli uch nafar farzandi bor.
Mori va Chelentano bir necha bor birga filmlarda suratga tushgan
Adriano rafiqasi Mori bilan “Noma’lum g‘alati tur” filmining suratga olish jarayonlarida tanishdi va 1971-yilda “Sevgi va pichoqlar hikoyasi” komediyasida yana u bilar birga suratga tushdi, ular loyihada bosh rollarni ijro etdi.
Aktyor o‘zi haqida multfilm chiqardi
Adriano 2019-yilda yosh soatsozning sarguzashtlari haqida hikoya qiluvchi “Adrian” nomli animatsion serialini taqdim etdi. Film aktyorning o‘ziga bag‘ishlangan degan mulohazalar bor, chunki Chelentano bolaligida soatsoz bo‘lib ishlagan. Aktyor filmda ssenariy muallifi va rejissor rollarini ijro etgan va uning rafiqasi ushbu mini-serialni suratga olgan.
Ornella Muti bilan ishqiy munosabatlar
Chelentano 2008-yilda “Qaysarning quyilishi” filmining suratga olish paytida Ornella Muti bilan o‘rtasida ishqiy munosabatlar boshlaganini tan oldi. Biroq, sevgi tufayli Muti hatto Chelentano ham xuddi shunday qadam tashlashiga umid qilib, turmush o‘rtog‘i bilan ajrashdi, aktyor esa bunday yo‘l tutmadi.
Chelentano bolaligida mashhur komediyachi Jerri Lyuisga mohirona parodiya qilgan
Aktyorning opasi uning iqtidorini payqadi va Adriano o‘z qobiliyatini ko‘rsatishi kerak, deb qaror qildi. U ukasidan yashirincha aktyorning Lyuis qiyofasidagi bir nechta fotosuratlarini o‘xshashlik tanloviga yubordi. Chelentano esa tanlovdan javob oldi va boshqa ishtirokchilar orasida g‘olib bo‘lganini bildi. Buning uchun xonandaga 5 300 dollar mukofot puli berildi.
Adrianoning sevimli xonandalari
Mashhur aktyor Maykl Jekson va Elvis Presli ijodini yaxshi ko‘rishini aytgan.
Izoh (0)