“Roli uchun yoshi kattalik qiladi” degan gapni 30 yoshli aktrisalar biz o‘ylagandan ham ko‘p eshitgan. Bundan tashqari, teskari holat ham bor — ayrim aktrisalar esa jiddiy rollar uchun yoshi kichiklik qiladi.
Jenna Ortega
“Uenzdey” seriali premyerasidan so‘ng 20 yoshli bosh rol ijrochisi haqiqiy yulduzga aylandi. Ammo yaqinda aktrisa aktrisalikni tashlash haqida o‘ylayotganini ma’lum qildi. Jennaning so‘zlariga ko‘ra, u bolalar rollari uchun juda katta, jiddiy rollar uchun esa hali juda yoshlik qiladi.
Yana bir muammo — Disney bilan uzoq davrlik hamkorlik edi. Jenna Disney rollarida qolib ketmasligini hammaga isbotlashi kerak edi — “Qichqiriq” va “X” qo‘rqinchli filmlarida o‘ynab, buni ham uddaladi.
Enn Xeteuey
Enn Xeteuey o‘zining 30 yoshini nishonlaganidan so‘ng, u kinoda ishlashning qiyinchiliklari haqida gapirib berdi. Gap shundaki, bir vaqtlar uning yoshiga mo‘ljallangan rollar 20 yoshli aktrisalarga berilgan.
“20 yoshimda, rostini aytsam, 50 yoshdan oshgan ayollar rolini berishardi. Hozir esa 30 yoshdaman, ammo menga mos rollarni 24 yoshli aktrisalar o‘ynayapti”, — deydi u.
Jennifer Lourens
Jennifer Lourens “Hayot-mamot o‘yinlari” filmidagi Katniss Everdin roli uchun kastingdan o‘tganida, undan birinchi bo‘lib qancha vazn yo‘qotishi haqida so‘rashgan. Biroq aktrisa ozishdan qat’iyan bosh tortadi.
Yaxshiyamki standartlar asta-sekin o‘zgarib bormoqda. “Hayot-mamot o‘yinlari” filmida ishlaganimni juda yaxshi eslayman, hech kim jangari filmdagi bosh rolni ayol kishiga bermasdi. Ular bu erkaklar auditoriyasini jalb qilmaydi, deyishardi. Va har safar bunday qoliplardan birini buzadigan yangi filmni ko‘rganimda, o‘zimni baxtiyor his qilaman”.
Ana de Armas
“Qinidan chiqqan pichoqlar” komedik detektivida rol o‘ynaganidan beri Ana de Armasning karyerasi ko‘tarilib ketdi. Biroq dastlab aktrisa Marta Kabrera rolini rad etmoqchi bo‘lgan.
Gap shundaki, Ana asli kubalik. Ssenariy bilan tanishish chog‘ida dastlab unga Marta yana bir “Lotin amerikalik go‘zal hamshira” bo‘lib tuyuladi. Aktrisaga bu yoqmaydi, chunki uning so‘zlariga ko‘ra, ispan qahramonlari ko‘pincha go‘zallikdan boshqa narsa sifatida tasvirlanmagan. Yaxshiyamki, Ana oxir-oqibat fikrini o‘zgartiradi.
Zoi Saldana
Zoi Saldana jamiyatning ayollarga bo‘lgan bosimidan tashvishlanadi. Aktrisaning so‘zlariga ko‘ra, ayol farzandli bo‘lishi va 40 yoshga to‘lishi bilanoq uni keksa deb hisoblashadi.
“Men 44 yoshdaman, endigina yoshim va hayotimni nazorat qilib oldim. Ayollarni hurmat qiladigan rejissor va prodyuserlar bilan ishlay olishimdan juda xursandman”.
Emili Blant
Emili Blant “Qattiqqo‘l xonim” filmidagi mashhur roliga darhol tasdiqlanmaydi — u kastingdan o‘ta olmaydi ham: rejissor Emili yetarlicha zamonaviy emasligini ta’kidlaydi. Gap shundaki, aktrisa parvozga kechikayotgandi: u sport kiyimida bo‘lgan, moda jurnali xodimi sifatida ko‘rinishga tayyor emasdi.
Oxir-oqibat film rejissori unga shunday deydi: “Mayli, sizni yana sinab ko‘ramiz, lekin iltimos, sport kiyimidan boshqa narsada keling! Siz zamonaviy ko‘rinishingiz kerak — qahramonga ko‘proq o‘xshash lozim. Ikkinchi kastingdan so‘nggina aktrisa barcha shartlarni bajarib bo‘lgach, unga rol taklif qilinadi. Aytgancha, Emili aynan shu filmdan so‘ng uning modaga bo‘lgan muhabbati sezilarli darajada oshganini tan oladi.
Margo Robbi
Rejissor va aktyorlar ishtirokidagi “Bir paytlar Gollivudda” filmining matbuot anjumanida jurnalist nega bu filmda Margo Robbining qahramoni deyarli hech narsa demaganini so‘raydi. Keyinchalik ijtimoiy tarmoqlarda foydalanuvchilar Robbini iste’dodli aktrisa deb aytishadi, ammo negadir uning ishtirokidagi suhbatlar soni kamligini ta‘kidlashadi.
Rejissor Kventin Tarantino “Bir paytlar Gollivudda” filmining bosh qahramoni Leonardo Di Kaprio ijro etgan Rik Dalton ekanligini tushuntiradi. Shunga asosan sujet uning atrofida aylanadi. Ammo filmning kengaytirilgan versiyasida Robbini ko‘proq gapirtirishga va’da beradi.
Mavzuga doir:
Izoh (0)