Италиялик мусиқачи, киноактёр, эстрада хонандаси, бастакор, жамоат арбоби ва телебошловчи Адриано Челентано 6 январь куни 85 ёшни қаршилади. Шу муносабат билан «Lisa.ru» нашри актёрнинг ҳаёт ва ижод йўли ҳақида маълумотларни тақдим этди.
Адриано 12 ёшида мактабни ташлаб кетган
Ёш Челентано отасини эрта йўқотди, шунинг учун унинг онаси Жудитта ёлғиз ўзи беш фарзандни тарбиялашга мажбур бўлди. Бўлажак машҳур итальян актёри энг кенжа фарзанд эди. Адриано онасига ёрдам мақсадида 12 ёшида мактабни ташлаб, пул топишга қарор қилди.
Актёрнинг биринчи касби соацозлик бўлган ва бу бўйича тоғасига шогирд тушган. Уларнинг биноси олдида мусиқа пластинкалари дўкони бор эди, унинг ойнасидан эса Элвис Преслининг плакати кўриниб турган.
Хонанда вегетариан бўлди
Адриано 2005 йилда гўшт ва сут маҳсулотларидан воз кечишга қарор қилди ва вегетарианга айланди.
Адриано ўзининг илк мусиқий қадамларини Rock Boys’да қўйди
Челентано 1950 йилда онаси ҳам яхши кўрган рок-н-роллга қизиқа бошлади. Ўша пайтда у қўшиқ ёзишни ва Rock Boys билан саҳнада чиқишни бошлади. Уларнинг биринчи чиқиши 1957 йилда Италиянинг биринчи рок-н-ролл фестивалида «I’ll tell you chao» қўшиғининг тақдимоти билан бўлиб ўтди. Бу воқеа нафақат санъаткорлар, балки кўплаб мухлисларнинг хотирасида қолди. Айнан ўша вақтда гуруҳ ўзининг биринчи альбомини ёзди ва кенг кўламли концертларда қатнаша бошлади.
Мусиқачи 1960 йилда ўзини актёр сифатида синаб кўрди
Челентано мусиқа ёрдамида кўплаб аёлларнинг қалбидан жой олганда, бу билан чекланиб қолмасликка қарор қилди. Кейинги мақсад актёрлик соҳасини ривожлантириш эди, шунинг учун у фильмларда рол ўйнай бошлади. Актёрга «Ширин ҳаёт» ва «Миландаги ўғрилик» фильмларида роллар берилди ва улар юқори баҳоланди.
«Azurro» («Мовий») қўшиғи 2006 йилги ФИФА Жаҳон чемпионатининг норасмий мадҳиясига айланди
Италиялик мухлислар хонанданинг «Azurro» қўшиғини шу қадар яхши кўришганки, улар таронани ўйин тугашидан олдин ҳам, кейин ҳам куйлаган.
Челентано «I mali del secolo» номли студияда ёзилган альбомини инсониятнинг замонавий муаммоларига ва ватани Италияга бағишлади
Испан тилидан таржима қилинган альбом «Аср муаммолари» деб номланади. Унда хонанда саноат корхоналари туфайли ҳавонинг ифлосланиши, инсонларнинг ёлғонлари ва иллатлари, браконьерлик, шунингдек, ўйламасдан йўл қўйилган хатоларни тузатиш имкониятларига тўхталиб ўтади.
«24 минг бўса» қўшиғи Челентанони ғалабадан маҳрум қилди
Хонанда Италиянинг Санремо шаҳрида бўлиб ўтадиган фестивалга таклиф қилинганида, ўзининг «24 минг бўса» таронаси билан мухлисларнинг қалбини забт этишга қарор қилади. У чиқишлари давомида иккиланмасдан томошабинларга орқасини ўгирди, таклиф қилинган ҳакамлар эса бу ҳолатни саводсизлик белгиси деб билди ва италиялик хонандадан мукофотни қайтариб олди. Бироқ у танловда қатнашгани учун фахрий иккинчи ўрин билан тақдирланди.
Адриано рафиқаси билан деярли 60 йил бирга яшаган
Актёрнинг қалбини забт этиш осонлиги ҳақидаги миш-мишларга қарамай, Челентано рафиқаси, актриса Клаудия Морига содиқ қолди. Улар 1964 йилда турмуш қурди ва ўшандан буён бирга яшаб келади, жуфтликнинг Росалинд, Гиакомо, Росита исмли уч нафар фарзанди бор.
Мори ва Челентано бир неча бор бирга фильмларда суратга тушган
Адриано рафиқаси Мори билан «Номаълум ғалати тур» фильмининг суратга олиш жараёнларида танишди ва 1971 йилда «Севги ва пичоқлар ҳикояси» комедиясида яна у билар бирга суратга тушди, улар лойиҳада бош ролларни ижро этди.
Актёр ўзи ҳақида мультфильм чиқарди
Адриано 2019 йилда ёш соацознинг саргузаштлари ҳақида ҳикоя қилувчи «Адриан» номли анимацион сериалини тақдим этди. Фильм актёрнинг ўзига бағишланган деган мулоҳазалар бор, чунки Челентано болалигида соацоз бўлиб ишлаган. Актёр фильмда сценарий муаллифи ва режиссёр ролларини ижро этган ва унинг рафиқаси ушбу мини-сериални суратга олган.
Орнелла Мути билан ишқий муносабатлар
Челентано 2008 йилда «Қайсарнинг қуйилиши» фильмининг суратга олиш пайтида Орнелла Мути билан ўртасида ишқий муносабатлар бошлаганини тан олди. Бироқ, севги туфайли Мути ҳатто Челентано ҳам худди шундай қадам ташлашига умид қилиб, турмуш ўртоғи билан ажрашди, актёр эса бундай йўл тутмади.
Челентано болалигида машҳур комедиячи Жерри Льюисга моҳирона пародия қилган
Актёрнинг опаси унинг иқтидорини пайқади ва Адриано ўз қобилиятини кўрсатиши керак, деб қарор қилди. У укасидан яширинча актёрнинг Льюис қиёфасидаги бир нечта фотосуратларини ўхшашлик танловига юборди. Челентано эса танловдан жавоб олди ва бошқа иштирокчилар орасида ғолиб бўлганини билди. Бунинг учун хонандага 5 300 доллар мукофот пули берилди.
Адрианонинг севимли хонандалари
Машҳур актёр Майкл Жексон ва Элвис Пресли ижодини яхши кўришини айтган.
Изоҳ (0)