O‘zbekiston TIV Afg‘onistonda xotin-qizlarning ta’lim olishiga qo‘yilgan taqiq yuzasidan bayonot berdi

O‘zbekiston Tashqi ishlar vazirligi Afg‘onistonda xotin-qizlar bilan bog‘liq vaziyat yuzasidan bayonot berdi.

Qayd etilishicha, Afg‘onistonda xotin-qizlarning davlat va xususiy oliy o‘quv yurtlarida ta’lim olishiga taqiq qo‘yilgani to‘g‘risidagi xabar chuqur tashvish bilan qabul qilingan.

“Afg‘on xalqining tinch va farovon kelajakni barpo etish yo‘lidagi intilishlarini qo‘llab-quvvatlashga qaratilgan qat’iyat belgisi sifatida ushbu qaror qayta ko‘rib chiqilishiga umid qilamiz” — deyiladi vazirlik xabarida.

“Tolibon” harakati 2022-yil dekabr oyi boshida Afg‘onistda ayollarning universitetda tahsil olishini taqiqlab qo‘ygandi. Uch oy oldin Afg‘oniston bo‘ylab minglab qizlar va ayollar universitetga kirish imtihonlarida qatnashgan. Ammo ular o‘rganishi mumkin bo‘lgan fanlarga cheklovlar qo‘yilgan.

Mavzuga doir:

• “Tolibon” Afg‘onistonda qizlarning oliy ta’lim olishi taqiqlanishi sababini ma’lum qildi
• Afg‘oniston bosh vaziri o‘rinbosari ayollarga o‘qish va ishlash taqiqlanganiga qarshi chiqdi
• “Tolibon” rasmiysi ayollar uchun universitet va maktablar mart oyidan qayta ochilishini aytdi