Farg‘ona viloyati Qo‘qon shahrida 21-dekabr kuni 3 nafar bola Gentra’ga gugurt cho‘pini yoqib, qistirib ketdi. Viloyat IIB axborot xizmati holat yuzasidan ma’lumot berdi.
Qayd etilishicha, 33-umumta’lim maktabining 3-sinf o‘quvchilari voyaga yetmagan M.U., A.U hamda A.B. savdo do‘koni oldida gugurt cho‘pini yoqib, Gentra’ning old qismiga qistirib ketgan.
Buning oqibatida avtomashinada yong‘in chiqib, moddiy zarar yetkazilgan. Shunday bo‘lsa ham avtomashina egasi fuqaro D.S ichki ishlar organlariga bu haqida murojaat qilmaganligi aniqlandi.
Mazkur holat Qo‘qon shahar IIB tomonidan tegishli tartibda ro‘yxatga olinib, voyaga yetmagan shaxslarning ota-onalari M.Y., A.Y va I.A.ga nisbatan ma’muriy tartibda hujjatlar rasmiylashtirildi.
Izoh (0)