Фарғона вилояти Қўқон шаҳрида 21 декабрь куни 3 нафар бола Gentra’га гугурт чўпини ёқиб, қистириб кетди. Вилоят ИИБ ахборот хизмати ҳолат юзасидан маълумот берди.
Қайд этилишича, 33-умумтаълим мактабининг 3-синф ўқувчилари вояга етмаган М.У., А.У ҳамда А.Б. савдо дўкони олдида гугурт чўпини ёқиб, Gentra’нинг олд қисмига қистириб кетган.
Бунинг оқибатида автомашинада ёнғин чиқиб, моддий зарар етказилган. Шундай бўлса ҳам автомашина эгаси фуқаро Д.С ички ишлар органларига бу ҳақида мурожаат қилмаганлиги аниқланди.
Мазкур ҳолат Қўқон шаҳар ИИБ томонидан тегишли тартибда рўйхатга олиниб, вояга етмаган шахсларнинг ота-оналари М.Й., А.Й ва И.А.га нисбатан маъмурий тартибда ҳужжатлар расмийлаштирилди.
Изоҳ (0)