Sog‘liqni saqlash vaziri Amrillo Inoyatov O‘zbekistonda Quramax dori vositalari sotilishini to‘xtatish bo‘yicha topshiriq bergani haqida xabarlar tarqaldi.
Sog‘liqni saqlash vazirligiga ko‘ra, dori vositalari sifatini nazorat qilish va standartlashtirish laboratoriyasi tomonidan o‘tkazilgan “Dok-1 Maks” va “Ambronol”ning chuqurlashtirilgan sifat nazorat natijalariga ko‘ra, ushbu preparatlar normativ hujjatda ko‘rsatilgan tarkibga nomuvofiqligi aniqlangan.
Xususan, ularning ayrim seriyalarida propilenglikol moddasi o‘rniga yoki u bilan birga etilenglikol va diyetilenglikol moddalari mavjudligi ma’lum bo‘lgan. Shuni inobatga olgan holda aholi salomatligini muhofaza qilish va qolgan dorilarni ham qo‘shimcha tekshiruvdan o‘tkazish maqsadida ehtiyot chorasi sifatida Quramax Medical MCHJ tomonidan 2022-yil mamlakat hududiga olib kirilgan barcha preparatlar sotuvi to‘xtatilgan.
Ayni paytda birlamchi tibbiy sanitariya yordami muassasalari xodimlari o‘ziga biriktirilgan barcha xonadonlarda faol patronaj ishlarini olib bormoqda. Bunda uyma-uy yurgan holda xonadon dori qutisini nazoratdan o‘tkazish, muddati o‘tgan preparatlar, saqlash qoidalari buzilgan hamda Quramax Medical kompaniyasining barcha dori vositalarini qabul qilmaslik va iste’moldan chiqarish yuzasidan zarur choralar ko‘rilmoqda.
Mavzuga doir: O‘zbekistonda “Dok-1 Maks”ni ishlab chiqargan kompaniyaga tegishli barcha dorilar savdosi vaqtincha to‘xtatildi
Izoh (0)