Соғлиқни сақлаш вазири Амрилло Иноятов Ўзбекистонда Quramax дори воситалари сотилишини тўхтатиш бўйича топшириқ бергани ҳақида хабарлар тарқалди.
Соғлиқни сақлаш вазирлигига кўра, дори воситалари сифатини назорат қилиш ва стандартлаштириш лабораторияси томонидан ўтказилган «Док-1 Макс» ва «Амбронол»нинг чуқурлаштирилган сифат назорат натижаларига кўра, ушбу препаратлар норматив ҳужжатда кўрсатилган таркибга номувофиқлиги аниқланган.
Хусусан, уларнинг айрим серияларида пропиленгликол моддаси ўрнига ёки у билан бирга этиленгликол ва диетиленгликол моддалари мавжудлиги маълум бўлган. Шуни инобатга олган ҳолда аҳоли саломатлигини муҳофаза қилиш ва қолган дориларни ҳам қўшимча текширувдан ўтказиш мақсадида эҳтиёт чораси сифатида Quramax Medical МЧЖ томонидан 2022 йил мамлакат ҳудудига олиб кирилган барча препаратлар сотуви тўхтатилган.
Айни пайтда бирламчи тиббий санитария ёрдами муассасалари ходимлари ўзига бириктирилган барча хонадонларда фаол патронаж ишларини олиб бормоқда. Бунда уйма-уй юрган ҳолда хонадон дори қутисини назоратдан ўтказиш, муддати ўтган препаратлар, сақлаш қоидалари бузилган ҳамда Quramax Medical компаниясининг барча дори воситаларини қабул қилмаслик ва истеъмолдан чиқариш юзасидан зарур чоралар кўрилмоқда.
Мавзуга доир: Ўзбекистонда «Док-1 Макс»ни ишлаб чиқарган компанияга тегишли барча дорилар савдоси вақтинча тўхтатилди
Изоҳ (0)