Toshkentdagi Keles yo‘li ta’mirlash ishlari sabab qisman yopiladi

Toshkent shahridagi Keles yo‘li ko‘chasining bir qismi ta’mirlash ishlari olib borilishi sabab qisman yopiladi. Bu haqda shahar hokimligi xabar qildi.

Qayd etilishicha, yo‘l ta’mirlash ishlari olib borilishi sababli 2023-yilning 4-yanvaridan ta’mirlash jarayoni yakunlanguniga qadar Keles yo‘li ko‘chasining Toshkent halqa avtomobil yo‘li ko‘prigidan Moyariq ko‘chasigacha bo‘lgan oralig‘i avtotransport vositalari harakati to‘xtatilmagan holda qisman yopiladi.

“Noqulayliklar uchun uzr so‘raymiz”, — deyiladi xabarda.

Avvalroq 1-dekabrdan 15-dekabrga qadar Kichik halqa avtomobil yo‘li ko‘chasining Mirobod tumani shimoliy temiryo‘l vokzali oldida joylashgan yerosti tunnelining bir tomoni yopilgandi.