Yilning shunday natijalari “Beeline Uzbekistan” sho‘ba korxonasi tomonidan ishlab chiqilgan “Beepul” fintech xizmatida sarhisob qilindi. Mahsulot tahlilchilarining fikriga ko‘ra, raqamli xizmat imkoniyatlari orasida eng katta o‘sish ilovada kartadan kartaga o‘tkazmalarda ko‘rsatilgan. Ular 2021-yilning shu davriga nisbatan qariyb 60 foizga oshgan.
2022-yilda “Beepul” ilovasidan deyarli 30 foizga ko‘p foydalanuvchi kommunal to‘lovlarni to‘lash, ta’lim, tibbiyot, sug‘urta kompaniyalari, davlat idoralari va boshqa sohalarga to‘lovlarni amalga oshirish uchun fintech xizmati imkoniyatlaridan muntazam foydalana boshlagan. Masalan, 2021-yilga nisbatan ilovadagi mablag‘lar aylanmasi 39,8 foizga oshgan, ilova orqali o‘tkazmalar esa 58,9 foizga ko‘p o‘tkazila boshlagan. Bu tabiiy o‘sish ekanligiga kompaniya vakillarining ishonchi komil.
– O‘zbekistonda digital-xizmatlar jadal rivojlanib bormoqda, odamlar tobora ko‘proq to‘lov yoki pul o‘tkazmalarini kassada uzun navbatlar o‘rniga bir-ikki daqiqa vaqt sarflab, to‘g‘ridan to‘g‘ri o‘z telefonlarida amalga oshirishni afzal ko‘rishmoqda. Bundan tashqari, energiya ta’minoti tashkilotlaridan tortib, universitetlargacha 600 dan ortiq kompaniya, tashkilot va yetkazib beruvchilar uchun bizning ilovamizda to‘lovlar mavjud. Elektron cheklar, kvitansiyalar va to‘lovlarni tasdiqlovchi hujjatlar istalgan vaqtda ilovada mavjud va unda xavfsiz tarzda saqlanadi. Umuman olganda, yil davomida barcha xizmat ko‘rsatish shartnomalari bo‘yicha to‘lovlarning o‘sishi 16 foizdan ortiqni tashkil etdi, – dedi “Beeline Uzbekistan”ning digital-texnologiyalar bo‘yicha direktori Tilek Axmatov. – “Beepul”ning naqd pulsiz xizmatlarining qulayligi, shuningdek, ilova orqali pul o‘tkazmalarining sezilarli darajada o‘sishi, yiliga qariyb 60 foizga, ilovani yuklab olgan va undan muntazam foydalanadigan foydalanuvchilar sonining uchdan bir qismiga oshgani bilan ham tasdiqlanadi. Bunday ishonch uchun ulardan juda minnatdormiz.
2022-yilda “Beeline Uzbekistan” sho‘ba korxonasi “Beelab” fintech ilovasini ishlab chiqaruvchisi, IT-park rezidenti va kompaniyaning o‘zining digital-mahsulotlarini ishlab chiqaruvchisi to‘lov tashkiloti sifatida faoliyat yuritish litsenziyasi egasiga aylandi. Bu digital-operator o‘z mijozlariga ko‘rsatishi mumkin bo‘lgan moliyaviy va to‘lov xizmatlarini kengaytirish, shuningdek, O‘zbekistondagi moliyaviy texnologiyalar va xizmatlar bozoridagi ishtirokini mustahkamlash yo‘lidagi yana bir qadamdir. Endi “Beepul” yordamida korxonalar va iste’molchilar ko‘p sonli hamkorlar bilan ishlashlari va boshqa to‘lov xizmatlariga bog‘liqlikni kamaytirishlari mumkin,
“Biz foydalanuvchilarga eng qulay, ekologik toza va intuitiv ekotizim yaratishga intilamiz, shunda mijozimiz “Beeline Uzbekistan”ning oddiy va ishonchli xizmatlaridan foydalanishi, o‘z kundalik hayotida vaqt, pul va kuchni tejash imkonini beradi”, — dedi “Beeline Uzbekistan”ning digital-texnologiyalar direktori Tilek Axmatov. – Maqsadimiz O‘zbekistonda to‘liq yaratilgan, g‘oyadan tayyor mahsulotgacha, 24/7 ishlay oluvchi o‘z digital-xizmatlarimizni, to‘lov tizimimizni va boshqa ilovalarimizni ishlab chiqishdir.
Bugungi kunda “Beepul” ro‘yxatida 600 dan ortiq to‘lov xizmatlari mavjud, shuningdek, bank rekvizitlari va boshqa xizmatlar orqali to‘lash imkoniyati mavjud. Ilovaning to‘liq funksiyasini Play Market/ App Store’da “Beepul”ni yuklab olish orqali ko‘rish mumkin. Ilova O‘zbekiston Respublikasining har qaysi uyali aloqa operatorlari abonentlari uchun mavjud. Ilova ishlab chiquvchisi 2019-yildan beri IT-park rezidenti bo‘lgan “Beeline Uzbekistan” sho‘ba korxonasi “Beelab” MCHJ hisoblanadi.
Reklama huquqi asosida.
Izoh (0)