Toshkent shahrida 23-dekabr kuni Saudiya Arabistonining ACWA Power kompaniyasi bilan Qoraqalpog‘istonda umumiy quvvati 1500 MVt bo‘lgan shamol elektr stansiyasini qurish bo‘yicha shartnomalar imzolash marosimi bo‘lib o‘tdi, deb xabar bermoqda Energetika vazirligi matbuot xizmati.
Unda Saudiya Arabistoni Investitsiyalar vaziri Xalid al-Falih, ACWA Power kompaniyasi boshqaruvi raisi Muhammad Abunayyan, O‘zbekiston energetika vaziri Jo‘rabek Mirzamahmudov, investitsiyalar va tashqi savdo vaziri Jamshi Xo‘jayev va tashkilotlar rahbarlari ishtirok etdi.
Qayd etilishicha, mazkur yirik quvvatli shamol elektr stansiyasi 2026-yilda ishga tushirilishi, yiliga 5,2 milliard kVt/soat elektr energiyasi ishlab chiqarishi va buning natijasida yiliga 1,5 milliard kub metr tabiiy gaz tejalishi rejalashtirilgan.
Stansiyada 300 MVt—550 MVt/soat elektr saqlash kimyoviy batareyalari (akkumulyatorlar) o‘rnatiladi. Ushbu batareyalar shamol turbinalaridan chiquvchi o‘zgaruvchan elektr energiyasini rostlab beradi.
Mavzuga doir: O‘zbekistonda uchta quyosh fotoelektr stansiyasi qurish bo‘yicha tender g‘oliblari aniqlandi
Izoh (0)