Тошкент шаҳрида 23 декабрь куни Саудия Арабистонининг ACWA Power компанияси билан Қорақалпоғистонда умумий қуввати 1500 МВт бўлган шамол электр станциясини қуриш бўйича шартномалар имзолаш маросими бўлиб ўтди, деб хабар бермоқда Энергетика вазирлиги матбуот хизмати.
Унда Саудия Арабистони Инвестициялар вазири Халид ал-Фалиҳ, ACWA Power компанияси бошқаруви раиси Муҳаммад Абунайян, Ўзбекистон энергетика вазири Жўрабек Мирзамаҳмудов, инвестициялар ва ташқи савдо вазири Жамши Хўжаев ва ташкилотлар раҳбарлари иштирок этди.
Қайд этилишича, мазкур йирик қувватли шамол электр станцияси 2026 йилда ишга туширилиши, йилига 5,2 миллиард кВт-соат электр энергияси ишлаб чиқариши ва бунинг натижасида йилига 1,5 миллиард куб метр табиий газ тежалиши режалаштирилган.
Станцияда 300 МВт/550 МВт-соат электр сақлаш кимёвий батареялари (аккумуляторлар) ўрнатилади. Ушбу батареялар шамол турбиналаридан чиқувчи ўзгарувчан электр энергиясини ростлаб беради.
Мавзуга доир: Ўзбекистонда учта қуёш фотоэлектр станцияси қуриш бўйича тендер ғолиблари аниқланди
Изоҳ (0)