Uzcard loyihalari natijasida mamlakatimizda jahon standartidagi universal yuqori sifatli raqamli mahsulotlar paydo bo‘ldi, ular karta egalari uchun keng to‘lov imkoniyatlarini ochib beradi, shuningdek, barcha bozor ishtirokchilari uchun xavfsizroq, samaraliroq va shaffof muhitni shakllantirishga hissa qo‘shadi. Uzcard tomonidan bank kartalarini shaxsiylashtirish sohasida salmoqli ishlar amalga oshirildi, bu esa bugungi kunda banklarga mijozlar uchun xizmat ko‘rsatish tezligi va ko‘rsatilayotgan xizmat sifatini sezilarli darajada oshirish imkonini bermoqda.
Endi Uzcard-Mastercard kobeyj kartalarining tezkor chiqarilish imkoniyati Ziraat Bank Uzbekistan’Gning barcha filiallarida ham mavjud. Bunday kartalarni shaxsiylashtirish jarayoni, mijoz bank bilan bog‘langan paytdan boshlab, ular chiqarilgan va faollashtirilgan paytgacha, taxminan besh daqiqa vaqt oladi. Uzcard’ning yangi taklifi bilan ushbu vazifani to‘g‘ridan to‘g‘ri bank bo‘linmalarida amalga oshirish mumkin. Mijoz ariza berilgan kunning o‘zidayoq darhol kartani oladi va u orqali moliyaviy operatsiyalarni amalga oshirishni boshlashi mumkin.
Uzcard-Mastercard kobeyj kartalari o‘zining qulayligi bilan ajralib turadi. O‘zbekistonda bunday karta mahalliy so‘mli karta, xorijda esa Mastercard xalqaro to‘lov tizimining kartasi sifatida ishlaydi.
Ushbu mahsulot bir vaqtning o‘zida ikkita to‘lov tizimining O‘zbekiston va butun dunyo bo‘ylab xaridlar uchun to‘lov qilish, naqd pulsiz o‘tkazmalarni qabul qilish, mehmonxona uchun to‘lash, Internet orqali chiptalar sotib olish, onlayn-do‘konlarda xaridlar amalga oshirish, bankomatlardan pul yechib olish singari afzalliklardan foydalanish imkonini beradi. Shuningdek, kobeyj karta egalari mamlakat ichida P2P pul o‘tkazmalarini amalga oshirish va dunyoga mashhur onlayn-do‘konlar, jumladan, Amazon, AliExpress, Google Play, App Store va boshqalardan xarid qilish imkoniyatiga ega bo‘ladilar. Bunday holda, mablag‘larni oldindan konvertatsiya qilishning hojati yo‘q, ular to‘lovni amalga oshirishda avtomatik ravishda konvertatsiya qilinadi.
Bundan tashqari, Uzcard-Mastercard kobeyj kartalari xavfsizlikning yuqori darajasini ta’minlaydi. Kartalarda Mastercard Secure Code xizmati yoki Internet tarmog‘ida Mastercard to‘lov tizimining bank kartalari bilan operatsiyalarni amalga oshirishda qo‘shimcha himoyani ta’minlaydigan 3-D Secure deb ataladigan xizmat mavjud.
Bugungi kunda mijozlar uchun kurash jarayonida kartalarni tezkor chiqarish texnologiyalari o‘ziga xos afzalliklarni taqdim etadi va moliya tashkilotlariga xizmat ko‘rsatishning tubdan yangi darajasiga chiqish, ishlab chiqarilayotgan mahsulotlar turini ko‘paytirish imkonini beradi. Hozirda “O‘zbekiston Respublikasi Tashqi iqtisodiy faoliyat milliy banki” AT, “Agrobank” ATB, “Asakabank” AT, Asia Alliance Bank ATB, Garant Bank AT, “Davr Bank” XATB, “Hamkorbank” ATB, “Xalq banki” AK va Ziraat Bank Uzbekistan AJ ushbu xizmatni mijozlarga taqdim etadi.
Uzсard jamoasi to‘lov tizimida ishtirok etuvchi banklar uchun doimiy ravishda mijozlarga xizmat ko‘rsatishning yuqori darajasiga va yangi iste’molchi tajribasiga erishishga yordam beradigan sharoit va vositalarni ishlab chiqish yo‘lida faol harakatini davom etmoqda.
Reklama huquqi asosida.
Izoh (0)