Uzcard лойиҳалари натижасида мамлакатимизда жаҳон стандартидаги универсал юқори сифатли рақамли маҳсулотлар пайдо бўлди, улар карта эгалари учун кенг тўлов имкониятларини очиб беради, шунингдек, барча бозор иштирокчилари учун хавфсизроқ, самаралироқ ва шаффоф муҳитни шакллантиришга ҳисса қўшади. Uzcard томонидан банк карталарини шахсийлаштириш соҳасида салмоқли ишлар амалга оширилди, бу эса бугунги кунда банкларга мижозлар учун хизмат кўрсатиш тезлиги ва кўрсатилаётган хизмат сифатини сезиларли даражада ошириш имконини бермоқда.
Энди Uzcard-Mastercard кобейж карталарининг тезкор чиқарилиш имконияти Ziraat Bank Uzbekistan’Гнинг барча филиалларида ҳам мавжуд. Бундай карталарни шахсийлаштириш жараёни, мижоз банк билан боғланган пайтдан бошлаб, улар чиқарилган ва фаоллаштирилган пайтгача, тахминан беш дақиқа вақт олади. Uzcard’нинг янги таклифи билан ушбу вазифани тўғридан-тўғри банк бўлинмаларида амалга ошириш мумкин. Мижоз ариза берилган куннинг ўзидаёқ дарҳол картани олади ва у орқали молиявий операцияларни амалга оширишни бошлаши мумкин.
Uzcard-Mastercard кобейж карталари ўзининг қулайлиги билан ажралиб туради. Ўзбекистонда бундай карта маҳаллий сўмли карта, хорижда эса Mastercard халқаро тўлов тизимининг картаси сифатида ишлайди.
Ушбу маҳсулот бир вақтнинг ўзида иккита тўлов тизимининг Ўзбекистон ва бутун дунё бўйлаб харидлар учун тўлов қилиш, нақд пулсиз ўтказмаларни қабул қилиш, меҳмонхона учун тўлаш, Интернет орқали чипталар сотиб олиш, онлайн-дўконларда харидлар амалга ошириш, банкоматлардан пул ечиб олиш сингари афзалликлардан фойдаланиш имконини беради. Шунингдек, кобейж карта эгалари мамлакат ичида P2P пул ўтказмаларини амалга ошириш ва дунёга машҳур онлайн-дўконлар, жумладан, Amazon, AliExpress, Google Play, App Store ва бошқалардан харид қилиш имкониятига эга бўладилар. Бундай ҳолда, маблағларни олдиндан конвертация қилишнинг ҳожати йўқ, улар тўловни амалга оширишда автоматик равишда конвертация қилинади.
Бундан ташқари, Uzcard-Mastercard кобейж карталари хавфсизликнинг юқори даражасини таъминлайди. Карталарда Mastercard Secure Code хизмати ёки Интернет тармоғида Mastercard тўлов тизимининг банк карталари билан операцияларни амалга оширишда қўшимча ҳимояни таъминлайдиган 3-D Secure деб аталадиган хизмат мавжуд.
Бугунги кунда мижозлар учун кураш жараёнида карталарни тезкор чиқариш технологиялари ўзига хос афзалликларни тақдим этади ва молия ташкилотларига хизмат кўрсатишнинг тубдан янги даражасига чиқиш, ишлаб чиқарилаётган маҳсулотлар турини кўпайтириш имконини беради. Ҳозирда «Ўзбекистон Республикаси Ташқи иқтисодий фаолият миллий банки» АТ, «Агробанк» АТБ, «Асакабанк» АТ, Asia Alliance Bank АТБ, Garant Bank АТ, «Давр Банк» ХАТБ, «Ҳамкорбанк» АТБ, «Халқ банки» АК ва Ziraat Bank Uzbekistan АЖ ушбу хизматни мижозларга тақдим этади.
Узсард жамоаси тўлов тизимида иштирок этувчи банклар учун доимий равишда мижозларга хизмат кўрсатишнинг юқори даражасига ва янги истеъмолчи тажрибасига эришишга ёрдам берадиган шароит ва воситаларни ишлаб чиқиш йўлида фаол ҳаракатини давом этмоқда.
Реклама ҳуқуқи асосида.
Изоҳ (0)