“Yuventus” yetakchi, “Bavariya” — 2, “Barselona” esa 10-o‘rinda. Futbolchilari mundial g‘olibligini qo‘lga kiritgan klublar reytingi

“Yuventus” yarim himoyachilari Anxel di Mariya va Leandro Paredes Argentina terma jamoasi safida JCH—2022 g‘olibligini qo‘lga kiritdi.

Shu tariqa Turin klubi safida faoliyat olib borayotgan vaqtda jahon chempioni bo‘lgan futbolchilar soni 27 nafarga yetdi. “Yuventus” bu borada peshqadamlikni mustahkamladi.

Mazkur reytingda “Bavariya” (24) ikkinchi o‘rinda bormoqda. Agar Fransiya chempion bo‘lganida Myunxen klubi yetakchilikni tortib olardi. Nemis klubi safida Fransiyaning to‘rtta nafar futbolchisi (Dayo Upamekano, Lyuka Ernandes, Benjamen Pavar va Kingsli Koman) bor edi.

1. “Yuventus” (Italiya) – 27 o‘yinchi2. “Bavariya” (Germaniya) – 243. “Inter” (Italiya) – 204. “Roma” (Italiya) – 165. “Penyarol” (Urugvay) – 146. “Nasional” (Urugvay) – 137. “Santos” (Braziliya) – 118. “Real Madrid” (Ispaniya) – 119. “Milan” (Italiya) – 1010. “Barselona” (Ispaniya) – 9.

Mavzuga doir: Messi, Kazemiro, Maguayr. WhoScored talqiniga ko‘ra JCH—2022 ramziy terma jamoasi