ПФЛ Ижроия қўмитасининг навбатдаги йиғилиши 16 декабрь, жума куни бўлиб ўтди.
Йиғилишда Суперлига формати масаласи муҳокама қилинди.
Суперлиганинг таклиф қилинган янги формати 7 та клубни қаноатлантирган ва яна 7 клуб унга қарши овоз берганди. Қизиқ тарафи шундаки, Суперлигада ўйинлар сони кам эканлигига тўхталган уч етакчи клубнинг барчаси турлар сонининг 26 тадан 31 тага етказилишига қарши овоз берди. «ОКМК» эса аксинча, форматни қўллаб-қувватлади ва ҳатто ўйинлар сонини умумий 36 тага этказиш таклифини берди.Овоз беришда вариантлардан ҳеч бирида яққол устунлик сезилмагани учун ПФЛ Ижроия қўмитаси форматни эски ҳолида қолдириш вариантини маъқул деб топди. Демак, 2023 йилги мавсумида ҳам 14 та клуб ғолиблик учун кураш олиб боради. Барча клуб 13 та уй ва 13 та сафар учрашувида иштирок этади.
ПФЛ Ижроия қўмитаси баёноти
Изоҳ (0)