Megan Markl Gollivud filmlarini Osiyo ayollari haqidagi stereotiplar uchun tanqid qildi

Sobiq aktrisa va Sasseks gersoginyasi Megan Markl o‘zining Archetypes podkastining yangi sonida Gollivudning osiyolik ayollar haqidagi stereotiplarini muhokama qildi, deb yozadi “Film.ru”.

Markl bunga “Ostin Pauers” va “Billning qotili” filmlarining qahramonlarini misol sifatida keltirdi. Uning so‘zlariga ko‘ra, ushbu loyihalarning ikkisi ham “ajdaho xonim” deb ataladigan stereotipni mustahkamlaydi.

“Sharqiy osiyolik ayollarning ssenariyga ko‘ra, g‘ashga tegadigan va oxir-oqibat o‘limga olib keladigan vasvasaga soluvchi sirli jozibasi bizning pop madaniyatimizga kirib keldi. Va osiyolik ayollarning bu zaharli stereotipi titrdan so‘ng darhol tugamaydi”, — deb ta’kidlaydi Markl.

O‘z navbatida, “Billning qotili” filmida O-Ren Ishi rolini ijro etgan aktrisa Lyusi Lyu o‘zining anti-qahramonini “ajdaho xonim” deb atashdan bosh tortdi:

“Filmda Ishidan tashqari yana uchta yollanma qotil bor. Nega Uma Turman, Daril Xanna, Vivika A. Foksni “ajdaho xonim” deb atash mumkin emas? Menimcha, bu ularning osiyolik bo‘lmagani bilan bog‘liq. Men esa kostyum va oq parik kiysam ham, etnik kelib chiqishim tufayli “ajdaho xonim” deb atalishim mumkin edi”, — deydi Markl.