Leonid Gaydayning mashhur komediyasi bundan 48 yil oldin suratga olingan, ammo bugungi kunda ham tomoshabinlarni xursand qilishda davom etmoqda. Qahramonlarning dialoglari hanuzgacha tildan tilga o‘tib, memlarga aylangan. Ammo hamma ham kartina haqidagi qiziqarli faktlarni bilmaydi, deb yozadi “Noviy ochag”.
Ssenariy
Aslida, bo‘lajak film uchun ssenariy Mixail Afanasyevich Bulgakov tomonidan o‘ylab topilgan. Uning “Ivan Vasilyevich” deb nomlangan pyesasi bo‘lgan. O‘sha vaqtlar Bulgakovga Satira teatrida spektakl qo‘yish taqiqlangan edi. Gayday uni oldi va o‘ziga xos tarzda qayta ishladi, tanqidiy sahnalarni olib tashladi, sovet senzuralariga qarshi chiqqan joylarini chizib tashladi. Uning barcha harakatlariga qaramay, film kulgili va “antisovet” bo‘lib chiqdi.
Qirol
Dastlab Ivan Grozniy roli uchun Yuriy Nikulin mo‘ljallangan edi. Haqiqiy Ivan Vasilyevichning bosh suyagi sovet kino tomoshabinlarining sevimli aktyorinikiga juda o‘xshash bo‘lgan. Lekin uning o‘zi, agar u podshoh rolini o‘ynasa, kartina shkafda chang bosib yotishini aytgan. Natijada podshohlik Yuriy Yakovlevga nasib qildi. Eng muhimi, Vladimir Etush ham podshoh rolini o‘ynashni xohlagan, ammo “Kavkaz asirasi”dan keyin u Shpak rolini oldi.
Shurik
Bulgakovning pyesasida muhandisning ismi Nikolay edi. Ammo Gaydayning kartinalaridan allaqachon tanilgan Aleksandr Demyanenko rolga ma’qullanganda, bosh qahramon ismi Aleksandr deb o‘zgartirildi. Oddiy qilib aytganda, tomoshabinlar sevib qolgan Shurik. Aytgancha, Oleg Vidov ham bosh qahramon rolini o‘ynashi mumkin edi.
Bunshaning xotini
“Seni ham davolashadi, meni ham davlashadi” — iborasi yodingizdami? Ushbu rolga Nonna Mordyukova rejalashtirilgan edi. Ammo Krachkovskaya Gaydayning qalbini zabt etdi: “Iltimos, meni tanlang. Rostini aytaman, men yaxshi o‘ynayman!” — dedi u. Rejissor tavakkal qildi va yutqazmadi.
Aytgancha, Bunshaning rafiqasi ushbu iborani aytgan sahnada parik kiygan edi. U chiroyli sochlaridan ayrilishga jur’at eta olmagan va grimchilar unga suzish qalpoqchasidan parik yasagan. Ammo ular o‘lchamda adashgani tufayli aktrisaning yuzi shishib ketgan va o‘zini yomon his qila boshlagan. Ular qalpoqni yechib, Krachkovskayani o‘ziga keltirgan va yana suratga olishda davom etgan. Bundan tashqari, suratga olish paytida Krachkovskaya pnevmoniya bilan kasal bo‘lib, juda ozib ketgan edi. Lekin u qahramoni uchun yana semirishiga to‘g‘ri keldi.
Ma’lumotlar
1973-yilda kartinani 60 million odam tomosha qilgan. Filmga bo‘lgan qiziqish bugungi kungacha so‘nmagan.
Xonanda Sofiya Rotaru “Sevgi bilan uchrashish” qo‘shig‘ini kuylashni xohladi, ammo bu amalga oshmadi. Kartinada qo‘shiq Nina Brodskaya tomonidan ijro etilgan, uning ovozi Rotarunikidan balandroq edi.
“Bu ziyofat kimning hisobidan? Kim to‘laydi?”, – filmda berilgan ushbu savolga “Har holda biz emas”, deb javob berilgan, lekin ssenariyga ko‘ra “Xalq, otaginam, xalq” degan javob berilishi kerak bo‘lgan.
Militsiya Ivan Grozniyning yashash joyini so‘raganida “Moskva, Kreml” deyilgan, lekin “Kreml” juda qo‘pol eshitilgan va u keyinchalik “Koshona”ga o‘zgartirilgan.
O‘g‘ri Jorj Miloslavskiy qahramonini dastlab Andrey Mironov o‘ynashi kerak bo‘lgan, ammo aktyor boshqa filmda suratga tushish bilan band edi. So‘ngra Georgiy Yumatov, Sergey Nikonenko, Georgiy Burkov va Vyacheslav Innokentning nomzodliklaridan o‘tib, Gayday Leonid Kuravlyovni tanlagan.
Film uchun Leonid Gayday 7948 rubl (127 dollar), Yuriy Yakovlev — 4350 rubl (69 dollar), Leonid Kuravlyov — 2312 rubl (36 dollar), Aleksandr Demyanenko — 1663 rubl (26 dollar), Vladimir Etush — 630 rubl (10 dollar), Natalya Krachkovskaya — 347 rubl (5 dollar) olgan.
Izoh (0)