Kiyev markazida portlashlar yuz berdi. Ukrainaning qator viloyatlarida havo trevogasi e’lon qilindi (video)

Kiyevning Shevchenkivskiy tumanida portlashlar sodir bo‘ldi, deb xabar bermoqda shahar meri Vitaliy Klichko.

“Poytaxtning Shevchenkivskiy tumanida portlashlar. Favqulodda xizmatlar voqea joyiga yo‘l olgan. Batafsil ma’lumot keyinroq”, — deb yozdi Klichko Telegram’dagi kanalida.

14-dekabr kuni ertalab Kiyev va Ukrainaning bir qator boshqa viloyatlarida havo hujumidan ogohlantirish e’lon qilindi. Ukraina ommaviy axborot vositalarining yozishicha, Kiyev aholisi dron va portlash tovushlarini eshitgan, shuningdek, bir nechta chaqnashlarni ham ko‘rgan.

Kiyev viloyatida havo hujumidan ogohlantirish e’lon qilinganidan keyin havo hujumidan mudofaa tizimlari ishga tushdi, deb xabar qildi viloyat ma’muriyati rahbari Aleksey Kuleba.