Xorvatiya terma jamoasi darvozaboni Dominik Livakovich faoliyatini “Bavariya”da davom ettirishi mumkin.
Myunxenliklar klubi “Dinamo Zagreb” darvozabonining vakillari bilan muzokaralarni boshladi. Nemis klubi Livakovichga jarohat olgan Manuel Noyerning o‘rinbosari sifatida qaramoqda.
Noyer chang‘ida uchish vaqtida yiqilib, oyog‘ini sindirib oldi va mavsum oxirigacha safdan chiqdi.
Ayni vaqtda “Bavariya” darvozabon izlash bilan band va Livakovich asosiy variantlardan biri bo‘lib turibdi.
27 yoshli posbon Xorvatiya chempionatida joriy mavsum 16 o‘yin o‘tkazib, o‘z darvozasidan 17 ta to‘p olib chiqdi. JCH—2022 dagi 5 o‘yinda esa uchta to‘p o‘tkazib yubordi.
Avvalroq Myunxen klubi “Monako”ga ijaraga berilgan Aleksandr Nyubelni qaytarib olib kelishi yoki “PSJ” posboni Keylor Navasni sotib olishi mumkinligi aytilgandi. Biroq Nyubelni qaytarib olish uchun kompensatsiya to‘lash kerak bo‘ladi. “PSJ” esa YCHL 1/8 finalidagi raqibi tarkibini kuchaytirib qo‘ymaslik uchun Navasni sotishni istamayapti.
Izoh (0)