O‘zbekistonda elektrdagi cheklovlar paytida vazirlik, hokimiyat va davlat idoralarida ham “svet” o‘chadi

O‘zbekiston energetika vaziri o‘rinbosari Sherzod Xo‘jayev energoresurslar taqchilligi bo‘yicha eng ko‘p muhokama qilinayotgan savollarga javob qaytardi.

Elektr energiyasini o‘chirish grafigi, ya’ni cheklovlar davlat idoralariga joriy etiladimi?

Elektr energiyasini rejali o‘chirish, ta’minotdagi cheklovlar davomida elektrga ulangan barcha toifadagi iste’molchilar ta’minotsiz qoladi.

Ijtimoiy soha obyektlari, ayniqsa, kasalxonalar va shunga o‘xshash obyektlar ikki tomonlama elektr ta’minotiga ulangan bo‘lgani tufayli bir tomonlama o‘chganda, ikkinchi (zaxira) tarmog‘idan foydalanadi. Agarda zaxira tarmog‘i ham qaysidir sababga ko‘ra o‘chgan bo‘lsa, demak, bu shifoxonalarda dizel generatorlar ishga tushib, kerakli vaqt davomida elektr energiyasi ishlab chiqaradi.

Lekin bu dajarada alohida muhim ahamiyatga ega bo‘lmagan tashkilotlarda ham uzilishlar bo‘ladi. Vazirlik, hokimliklar, boshqa davlat idoralarida ham, — deydi vazir o‘rinbosari.