Bugun,

  • USD 11095.31
  • RUB 173.84
  • EUR 10772.44

Noyabr oyida O‘zbekistondagi ishbilarmonlik faolligi ko‘rsatkichlari tahlil qilindi. Bu haqda “Daryo”ga Iqtisodiy tadqiqotlar va islohotlar markazi xabar berdi.

Foto: “Daryo” / Madina Nurman

Foto: “Daryo” / Madina Nurman

Markaz tomonidan o‘tkazilgan navbatdagi so‘rovnomada mamlakatning barcha hududlaridan iqtisodiyotning turli tarmoqlari vakillari bo‘lgan 1 000 nafar tadbirkor ishtirok etdi.

Noyabr oyida ishbilarmonlik muhitining jamlangan ko‘rsatkichi o‘tgan oyga nisbatan 1 punktga biroz kamaydi va 53 punktni tashkil etdi, bu mamlakatdagi ishbilarmonlik muhitining holatini ijobiy deb baholaydi.

Joriy yilning noyabr oyida jamlangan indikatorning qisqarishi qisman mavsumiydir. Shunga o‘xshash o‘zgarishlar o‘tgan yilning shu davrida kuzatilgan.

Ishbilarmonlik muhiti indikatorining dinamikasi:

Foto: Review

Foto: Review

Xususan, noyabr oyida umumiy ko‘rsatkichning pasayishiga asosan sanoat va qurilish tarmoqlaridagi dinamika ta'sir ko‘rsatdi.

Boshqa tomondan, qishloq xo‘jaligida sezilarli yaxshilanish kuzatildi, xizmat ko‘rsatish sohasi esa hech qanday o‘zgarishlarga duch kelmadi va ancha yuqori ko‘rsatkichlarni saqlab qolishda davom etmoqda.

Biznes egalarining deyarli yarmi ishbilarmonlik muhitining yaxshilanishini qayd etishda davom etmoqda, chunki 47 foizi o‘z biznesining hozirgi holatini “yaxshi” deb hisoblaydi, faqat 10 foizi “yomon” deb baholaydi.

Kompaniyalarning 22 foizi xodimlar sonini ko‘paytirdi, 46 foizi esa ishlab chiqarilgan mahsulot/xizmatlarga talabning o‘sishini qayd etdi.

Keyingi 3 oy ichida biznesni rivojlantirish istiqbollarini kutish ko‘rsatkichi ancha yuqori darajada saqlanib, 60 punktni tashkil etdi. Bu qishloq xo‘jaligi sohasida — 74 punkt va xizmatlar sohasida — 66 punktni yuqori optimizm bilan tasdiqlaydi.

Kelgusi 3 oy ichida o‘z biznesining umumiy ahvoli yaxshilanishini kutayotgan tadbirkorlarning ulushi deyarli o‘zgarmadi — 70 foiz, tovar va xizmatlarga talabning yanada oshishini 53 foiz tadbirkorlar kutmoqda va xodimlar sonini ko‘paytirishni 60 foiz tadbirkorlar rejalashtirmoqda.

Avvalroq nima sababdan dunyo bo‘ylab o‘rtacha ish haqi kamayib ketgani tahlil qilingani haqida xabar berilgandi.

Izoh
Asosiy yangiliklar
Mahalliy
Oʻzbekiston energetikasi: ortayotgan talab, taqchillik va koʻrilayotgan choralar haqida
Dunyo
Qirg‘izistonda 9 kishida “Seftriakson”ga allergik reaksiya kuzatildi, bir kishi vafot etdi
Mahalliy
Besh yilda 218 mingdan koʻproq xonadon. Oʻzbekistonda uy-joy muammosi qanday hal etilmoqda?