Pavel Durov Telegram’ning monetizatsiyasi va uning natijasi messenjerlar jamoasi kutganidan qanday oshib ketgani haqida ma’lumot berdi.
Telegram’da monetizatsiya boshlanganiga bir yil bo‘ldi, ammo natijalar kutganimizdan ham oshib ketdi, — deb yozadi tadbirkor.
Boshqa ilovalardan farqli o‘laroq, unda reklamalarga maxfiylikni hisobga olgan holda yondashildi: shaxsiy ma’lumotlardan foydalanilmadi va targ‘ib qilingan xabarlar ommaviy kanallarda ko‘rsatildi.
Shunga qaramay, reklamalar bozorni sezilarli darajada rivojlantirdi va Telegram’ni moliyaviy barqarorlik sari yo‘lga qo‘ydi.
Atigi 5 oy oldin taqdim etilgan Telegram Premium tezda 1 milliondan ortiq obunachiga ega bo‘ldi va ijtimoiy tarmoqlarga obuna bo‘lish rejasining eng muvaffaqiyatli namunalaridan biriga aylandi, — deb yozadi Durov.
U hali ham Telegram umumiy daromadining atigi bir qismini tashkil etsa-da, Telegram Premium’dan foydalanuvchilar soni har kuni barqaror o‘sib bormoqda va bir kun kelib reklama bilan raqobatlasha oladigan darajaga chiqadi.
Durovga ko‘ra, Telegram jamoasi hozir ustida ishlayotgan funksiyalar 2023-yilda Telegram’ning keyingi moliyaviy o‘sishi uchun poydevor yaratadi.
Avvalroq Telegram’da kriptovalyuta savdosi va ularni saqlash vositalari bo‘lishi haqida xabar berilgandi.
Izoh (0)