Ноябрда бизнесменлар Ўзбекистондаги ишбилармонлик муҳитини қандай баҳолагани аниқланди
Ноябрь ойида Ўзбекистондаги ишбилармонлик фаоллиги кўрсаткичлари таҳлил қилинди. Бу ҳақда «Дарё»га Иқтисодий тадқиқотлар ва ислоҳотлар маркази хабар берди.
Марказ томонидан ўтказилган навбатдаги сўровномада мамлакатнинг барча ҳудудларидан иқтисодиётнинг турли тармоқлари вакиллари бўлган 1 000 нафар тадбиркор иштирок этди.
Ноябрь ойида ишбилармонлик муҳитининг жамланган кўрсаткичи ўтган ойга нисбатан 1 пунктга бироз камайди ва 53 пунктни ташкил этди, бу мамлакатдаги ишбилармонлик муҳитининг ҳолатини ижобий деб баҳолайди.
Жорий йилнинг ноябрь ойида жамланган индикаторнинг қисқариши қисман мавсумийдир. Шунга ўхшаш ўзгаришлар ўтган йилнинг шу даврида кузатилган.
Ишбилармонлик муҳити индикаторининг динамикаси:
Хусусан, ноябрь ойида умумий кўрсаткичнинг пасайишига асосан саноат ва қурилиш тармоқларидаги динамика таъсир кўрсатди.
Бошқа томондан, қишлоқ хўжалигида сезиларли яхшиланиш кузатилди, хизмат кўрсатиш соҳаси эса ҳеч қандай ўзгаришларга дуч келмади ва анча юқори кўрсаткичларни сақлаб қолишда давом этмоқда.
Бизнес эгаларининг деярли ярми ишбилармонлик муҳитининг яхшиланишини қайд этишда давом этмоқда, чунки 47 фоизи ўз бизнесининг ҳозирги ҳолатини «яхши» деб ҳисоблайди, фақат 10 фоизи «ёмон» деб баҳолайди.
Компанияларнинг 22 фоизи ходимлар сонини кўпайтирди, 46 фоизи эса ишлаб чиқарилган маҳсулот/хизматларга талабнинг ўсишини қайд этди.
Кейинги 3 ой ичида бизнесни ривожлантириш истиқболларини кутиш кўрсаткичи анча юқори даражада сақланиб, 60 пунктни ташкил этди. Бу қишлоқ хўжалиги соҳасида — 74 пункт ва хизматлар соҳасида — 66 пунктни юқори оптимизм билан тасдиқлайди.
Келгуси 3 ой ичида ўз бизнесининг умумий аҳволи яхшиланишини кутаётган тадбиркорларнинг улуши деярли ўзгармади — 70 фоиз, товар ва хизматларга талабнинг янада ошишини 53 фоиз тадбиркорлар кутмоқда ва ходимлар сонини кўпайтиришни 60 фоиз тадбиркорлар режалаштирмоқда.
Аввалроқ нима сабабдан дунё бўйлаб ўртача иш ҳақи камайиб кетгани таҳлил қилингани ҳақида хабар берилганди.
