Sirdaryoda 14 yoshli bola otasining salkam 4 mln so‘mini o‘g‘irlab, onlayn o‘yinga sarfladi

Sirdaryo viloyati Guliston shahrida 6-sinf o‘quvchisi bank kartasidagi pullarni o‘zlashtirdi. Bu haqda Ichki ishlar vazirligi Kiberxavfsizlik markazi xabar bermoqda.

Qayd etilishicha, 2022-yil yanvar oyida Guliston shahrida yashovchi B.S. ariza bilan murojaat qilib, noma’lum shaxs unga tegishli bo‘lgan bank kartasidan jami 3 million 800 ming so‘m pullarni yechib olganini bildirib, unga nisbatan qonuniy chora ko‘rishni so‘ragan.

Olib borilgan tezkor-qidiruv tadbirlari natijasida pullarni o‘zlashtirgan shaxs fuqaro B.S.ning o‘g‘li — 6-sinf o‘quvchisi A.F. ekani aniqlangan. Holat yuzasidan surishtiruv ishlari davomida A.F. PUBG onlayn o‘yiniga katta qiziqish orqali o‘yin akkaunt hisobiga ushbu pullarni o‘tkazib yuborgani ma’lum bo‘ldi.

Hozirda to‘plangan hujjatlar yuzasidan surishtiruv harakatlari olib borilmoqda.

Mavzuga doir:

• O‘zbekistonda internetda qimor va tavakkalchilikka asoslangan o‘yinlar uchun javobgarlik belgilanmoqda
• IIV Facebook’dagi totalizator reklamalaridan ogohlantirdi