Ukraina Qurolli kuchlari bosh shtabining da’vo qilishicha, 10-dekabrdan boshlab Rossiyada armiyaga “yashirin safarbarlik”ning yangi to‘lqini boshlanishi mumkin. Bu haqda shtabning 27-noyabr kuni ertalab bergan hisobotida aytiladi.
Mavjud ma’lumotlarga ko‘ra, Rossiya Federatsiyasida va Ukrainaning vaqtincha bosib olingan hududlarida joriy yilning 10-dekabridan boshlab Rossiya bosqinchi kuchlari safiga yashirin safarbarlikning navbatdagi to‘lqinini o‘tkazish bo‘yicha tayyorgarlik choralari ko‘rilmoqda, — deyiladi hisobotda.21-sentabr kuni Rossiyada “qisman safarbarlik” e’lon qilingan edi. Aynan qancha odam harbiy xizmatga chaqirilishi haqidagi ma’lumot Rossiya prezidenti farmonining yashirin bandida berilgan. Rossiya Mudofaa vazirligining xabar berishicha, unda 300 ming odamni safarbar qilish aytilgan. Oktabr oyining oxirida safarbarlik yakunlangani, urushga chaqiruv rejasi bajarilgani ma’lum qilindi. Biroq safarbarlikni yakunlash haqidagi farmon chiqarilmadi. Avvalroq Meduza manbalari rasmiylar qishda safarbarlikning ikkinchi bosqichini o‘tkazishi mumkinligi haqida xabar qilgandi. Rasmiy Kreml bunday rejalarni rad etmoqda.
Izoh (0)