Toshkent shahri Mirobod tumanida bankomatlardan qaytgan mablag‘larni talon-toroj qilish holatlari aniqlandi. Bu haqda Iqtisodiy jinoyatlarga qarshi kurashish departamenti axborot xizmati xabar berdi.
Bosh prokuratura huzuridagi departamentning Mirobod tumani bo‘limi tomonidan “Turonbank” ATBning murojaatiga asosan tergovga qadar tekshiruv o‘tkazilgan. Unda ushbu bank xizmatlari markazi kassa amaliyotlari bo‘limi kassiri J.D. va boshqa mas’ul shaxslari bank xizmatlari markaziga qarashli 10 dona bankomatdan qaytgan mablag‘larni tegishli tartibda kirim qilmasdan, soxta ma’lumotlar tuzish orqali jami 347,5 mln so‘m va 7 600 dollarni o‘zlashtirish yo‘li bilan talon-toroj qilgani aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish va 209-moddasi (mansab soxtakorligi) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir: Toshkent viloyatida soxta hujjatlar orqali 2,3 mlrd so‘m kredit mablag‘ini o‘zlashtirgan shaxslar ushlandi
Izoh (0)