“Hokimlardan raislik lavozimini olib, kengash oldidagi hisobdorligini oshirish kerak” — Zafarbek Solijonov

“Daryo” internet-nashri Toshkent shahri hokimligi qoshidagi Jamoatchilik kengashi bilan birgalikda “Mahalla. Muammo. Mulohaza” loyihasini taqdim etib kelmoqda. Loyihaning 8-soni mavzusi “Mahallada kim nimaga javob beradi?” bo‘lib, dastur mehmoni sifatida bloger, huquqshunos Zafarbek Solijonov taklif etildi.

Dastur mehmoni suhbat davomida hokimlardan kengash raisi lavozimini olishni, oqsoqol tayinlash vazifasi Senatga yuklatilishi kerakligini aytdi.

Qonunlarga qaraydigan bo‘lsak, mahalla instituti, umuman, saylov tizimi Senat kengashi orqali joriy qilinadi. Demak, bu yerda muammo qonunchilikning o‘zida. Umid qilyapmiz hozir, hokimlardan kengash raisi maqomini olinsin. Endi mahalla oqsoqoli bo‘lishga nomzodlarni kengash o‘zi hal qiladigan regulyator ishlab chiqilishi kerak.

Eng avvalo, bosh qomus. Ya’ni eng tepada turgan qonunni o‘zgartirishsa, hokimlardan kengash raisi lavozimini olishsa, hokimlarning kengash oldidagi hisobdorligini oshirishsa, bu o‘z-o‘zidan hokimlar richagining kuchsizlanishi va oxir-oqibat yo‘q bo‘lib ketishiga olib keladi, — deydi Zafarbek Solijonov.