Bugungi kunda Food Waste harakati tobora kuchayib bormoqda. Asosiy maqsad — oziq-ovqat mahsulotlari chiqindilarini kamaytirish hisoblanadi. Ko‘plab insonlar bu tashabbusni qo‘llab-quvvatlamoqda va sifati buzilgan oziq-ovqatdan samarali foydalanishni o‘ylab ko‘rmoqda.
Qotgan non
Qotgan non bo‘laklaridan taomlarga solinadigan talqon tayyorlash mumkin. Buning uchun qotgan nonni maydalash kerak. Bundan tashqari, talqon ko‘proq mazali bo‘lishi uchun uni tosterda yoki tovada ozgina qovurish mumkin. Bu non bo‘laklari uchun ajoyib va tabiiy o‘rinbosar bo‘la oladi. Uyda tayyorlangan qotgan non bo‘laklari mazali, qirsillaydigan va do‘kondan sotib olinganlaridan qolishmaydigan bo‘ladi.
Ezilgan avokado
Avokado ozuqaviy moddalarga juda boy. Mevani tozalagandan keyin katta danagi qoladi, juda achchiqligi tufayli uni yeb bo‘lmaydi. Biroq, uning danagidan teringizga rang va yorqinlik qo‘shadigan ajoyib yuz niqobini yaratish mumkin. Niqob quyidagicha tayyorlanadi:- danakning qizargan qatlamini olib tashlang
- uni maydalang
- teng nisbatda hosil bo‘lgan massani tuproq va suv bilan aralashtiring
- 20 daqiqa davomida yuz teringizda qo‘ying
Ushbu niqob teridagi teshiklarni tozalaydi va qizarishni kamaytiradi. Niqobni haftada ikki marta qo‘llash tavsiya etiladi.
Quruq kolbasa
Quruq kolbasa tashlab yuborilmasligi kerak, chunki u go‘shtli chipslarini tayyorlash uchun ishlatilishi mumkin. Bunday taomni tayyorlash retsepti juda oddiy: kolbasani ingichka bo‘laklarga bo‘lib, elektr quritgichga joylashtirish kerak. Undan yoqimli hid kelishini istasangiz ziravorlar yoki ko‘katlardan foydalaning. Bu ishtahani ochuvchi taom kattalar va bolalarga yoqadi. Elektr quritgich ko‘p funksiyali qurilma bo‘lib, nafaqat kolbasa uchun, balki har qanday mahsulot qoldiqlarini quritish uchun ham mos keladi.
Pishgan banan
Mazali pishiriqlar tayyrolashda pishgan bananlardan foydalansangiz bo‘ladi. Shirinlikning asosi klassik biskvit xamiri bo‘lib, unga pishgan banan qo‘shiladi. Ushbu mahsulotlardan tayyorlangan shirinlik mazali va yumshoq bo‘ladi. Desertning xamiriga un qo‘shmasangiz u parhezbop shirinlik bo‘ladi.
Meva qoldiqlaridan tayyorlanadigan kompot
Meva qobiqlaridan mazali kompot tayyorlash mumkin. Bunday ichimlikning retsepti odatiy kompotdan farq qilmaydi. Meva qoldiqlarini idishga soling va ustiga suv quying. Ichimliklarga ta’bingizga qarab shakar qo‘shing, uni ham issiq, ham sovuq holda ichsangiz bo‘ladi.
Tuxum po‘chog‘i
Tuxum po‘chog‘i juda ko‘p foydali xususiyatlarga ega. Tuxum po‘chog‘i kukuni oqartirishning qadimiy va tasdiqlangan usuli hisoblanadi. Biroq, bunday holatda faqat oq tuxumlardan foydalanish kerak. Po‘choqni maydalang, uni tabiiy matodan yasalgan sumkaga o‘rang va bog‘lang.
Tuxum po‘stlog‘ini kir yuvish mashinasining barabaniga soling. Bu kir yuvish mashinasida oqartirishning yaxshi usuli. Bundan tashqari, tuxum po‘chog‘i o‘g‘it sifatida ishlatilishi mumkin. Po‘choq kislotalilikni pasaytiradi va tuproqni unumdor qiladi. U o‘simliklarni foydali elementlar bilan to‘ydiradi.
Nordon sut
Agar sut quyuqlashgan bo‘lsa, xafa bo‘lmang. Nordon sutdan yumshoq va mazali pishloq tayyorlashingiz mumkin. Sutni 90 darajaga qadar qizdiring, biroq qaynatmang. Keyin unga sirka qo‘shing (1 litr uchun 1 osh qoshiq) va asta-sekinlik bilan aralashtiring. Sut qalinlasha boshlaydi va tvorogga aylanadi. Tvorogni dokan orqali siqib oling va sovushini kuting. Siz unga ta’bingizga ko‘ra qaymoq, tuz yoki qalampir qo‘shishingiz mumkin. Pishloq yumshoq va yengil bo‘ladi.
Mavzuga doir:
- Yogurt, qahva va nonushtada iste’mol qilish tavsiya etilmaydigan boshqa mahsulotlar.
- Ajinlardan husnbuzarlargacha: terini mukammal va yosh ko‘rinishiga yordam beradigan mahsulotlar.
- Salomatlik uchun zararli: 35 yoshdan keyin iste’mol qilish tavsiya etilmaydigan mahsulotlar.
- Tezda ochlik hissini keltirib chiqaradigan mahsulotlar.
Izoh (0)