“Daryo” UzAuto Motors aksiyalarini sotib olishning o‘ziga xos jihatlari va ularning jozibadorligi borasidagi tadqiqotini davom ettiradi. 2021-yilda yirik avtomobil ishlab chiqaruvchisi aksiyadorlari 8,5 million dollar miqdorida dividend oldilar.
UzAuto Motors o‘z IPO’sini 2022-yil oxirigacha o‘tkazadi. Bu esa aholi va kompaniyalar eng yirik avtomobil ishlab chiqaruvchisining aksiyalarini sotib olishlari va keyin daromad olishlari mumkin, degani.
“Daryo” o‘zining avvalgi maqolalarida IPO nima ekani, shuningdek birinchi milliy IPO’ning anderrayteri kim bo‘lishini edi.
UzAuto Motors aksiyalaridan qanday qilib daromad olish mumkin
Aksiya egalari ikki yo‘l bilan daromad olishlari mumkin:
1. Dividendlar – doimiy daromad sifatida
Yiliga kamida bir marta kompaniya dividendlar to‘lashga qaror qiladi — foydaning aksiyadorlar o‘rtasida taqsimlanuvchi qismi aynan shunday nomlanadi.
2021-yilda UzAuto Motors 235 000 dona avtomobil ishlab chiqarishdan 166 million AQSH dollari miqdorida sof foyda oldi. Dividendlar 8,5 million dollarni tashkil etdi. 2022-yilda kompaniya 340 000 ta avtomobil ishlab chiqarishni rejalashtirmoqda, bu esa kompaniyaning foydasi va dividend miqdorini sezilarli darajada oshirishi mumkin.
Korxonaning dividendlar bo‘yicha siyosatiga muvofiq, UzAuto Motors aksiyadorlarga sof foydaning 30%i miqdorida dividendlar to‘laydi. Bu shuni anglatadiki, har yili aksiyadorlarning daromadlari avtomobil ishlab chiqaruvchisi daromadining o‘sishi bilan birgalikda o‘sib boradi.
2. Aksiyalarni qayta sotish amaliyoti
IPO doirasida odamlar aksiyalarni dastlabki narxda sotib oladilar. IPO’dan keyin bu aksiyalarni birjada boshqa narxda qayta sotish mumkin.
“Birjada aksiyalar savdoning birinchi kunida 10-20 foizga o‘sadigan holatlar kuzatilgan va aksiyador aksiyani foyda bilan sotishi mumkin”, — deydi Freedom Broker kompaniyasi bosh direktori Yevgeniy Mojeyko.
Kompaniya tahlilchilari 2026-yilga borib daromad 2021-yildagiga nisbatan 2 baravar o‘sishini kutishmoqda.
Kompaniyaning aksiyalarini sotib olish foydalimi yoki yo‘qmi — buni qanday aniqlash mumkin
Aksiyalar daromad keltirishini yoki keltirmasligini aniqlash uchun tahlilchilar bir qator ko‘rsatkichlarga e’tibor beradilar. Kompaniya barqaror va daromad keltiruvchi bo‘lishi kerak.
1. Foyda. U qanchalik katta bo‘lsa, shuncha ko‘p dividend to‘lanishi mumkin.
UzAuto Motorsning sof foydasi so‘nggi 5 yil ichida 3,4 barobar oshdi.
2. Ishlab chiqarish hajmi. Korxona qancha ko‘p mahsulot ishlab chiqarsa, shuncha ko‘p daromad oladi.
Oxirgi 5 yil ichida UzAuto Motors avtomobillarini ishlab chiqarish 2,4 barobar oshdi.
3. Eksport. Bu sifat va talab ko‘rsatkichidir. Kompaniya xalqaro bozorda tan olinib bormoqda. Eksport qo‘shimcha daromad keltiradi, bu esa dividendlar hajmi va aksiya narxining oshishiga sabab bo‘ladi.
Tahlilchilar prognozi
Hozirda UzAuto Motors o‘z IPO’si doirasida aholidan arizalarni yig‘ish bosqichida. Brokerlik hisobini ochish va aksiyalarni sotib olish uchun ariza berish kerak.
Tahlilchilarning fikricha, kompaniya xorijda ham IPO’ga chiqishni rajalashtirgani sababli UzAuto Motors aksiyalari narxi kelgusi yilda oshishi mumkin. Shundan so‘ng avtomobil ishlab chiqaruvchisining aksiyalariga xorijda ham talab paydo bo‘ladi.
UzAuto Motors’ning qimmatli qog‘ozlari xorijiy investorlar uchun ham jozibadordir. 2021-yilda ushbu avtomobil ishlab chiqaruvchisi London fond birjasiga 300 million dollarlik yevrobondlarni joylashtirdi. O‘shanda talab taklifdan 5 baravar oshdi, — dedi Freedom Broker kompaniyasi ijrochi direktori Yevgeniy Mojeyko.Hozir nima qilish kerak
- Agar siz kelgusida aksiyalardan daromad olishni istasangiz, u holda brokerlik hisobini oching. Buni Freedom Broker ofisida yoki https://ipo.ffin.uz saytida onlayn tarzda amalga oshirish mumkin. Hisobni ochish sizga aksiyalarni sotib olish majburiyatini yuklamaydi.
- Agar siz UzAuto Motors aksiyalarini sotib olishni istasangiz, hisob ochganingizdan so‘ng so‘rov qoldiring.
- Agar siz aksiyalardan daromad olish istiqbollari haqida ko‘proq ma’lumotga ega bo‘lishni istasangiz, 1135 raqami orqali moliyaviy tahlilchilardan maslahat oling.
Izoh (0)