Shu yilning 18-noyabr kuni, O‘zbekiston Respublikasi Prezidentining rasmiy tashrifi arafasida, MEDEF International Fransiya tadbirkorlari harakatining Parij shahridagi qarorgohida ikki mamlakat ishbilarmon doiralari ishtirokida O‘zbekiston—Fransiya biznes-forumi bo‘lib o‘tdi.
Biznes-forumda Fransiya va O‘zbekistonning qishloq xo‘jaligi, aviatsiya sanoati, temir yo‘l transporti, logistika va kommunikatsiyalar, energetika, tog‘-kon sanoati, servis va konsalting, qurilish kabi sohalardagi yetakchi kompaniyalari, bank va moliya institutlari rahbarlari ishtirok etdi.
O‘zbekiston—Fransiya biznes-forumining muhim voqealaridan biri — “O‘zbekiston Respublikasi Tashqi iqtisodiy faoliyat milliy banki” AJ va Fransiyaning Societe Generale S.A.moliyaviy konglomerati o‘rtasida 50 million yevro miqdorida kredit liniyasini jalb etishni nazarda tutuvchi hamkorlik shartnomasining imzolanish marosimi bo‘ldi.
Shartnoma ikki bank o‘rtasidagi hamkorlikni rivojlantirish imkonini beradi:
- Loyiha va savdoni moliyalashtirish sohasidagi hamkorlik ikki mamlakat o‘rtasidagi savdo-iqtisodiy munosabatlarni rivojlantirish shu jumladan texnologik asbob-uskunalar, xomashyo yetkazib berish, shuningdek, keyinchalik yuqori qo‘shimcha qiymatga ega mahalliy ishlab chiqaruvchilar mahsulotlarni ishlab chiqarish uchun Fransiyadan xizmatlar ko‘rsatishni ko‘paytirish;
- G‘aznachilik operatsiyalari soxasida, shu jumladan xalqaro kapital bozorlaridagi maxsulotlar va valyutaviy svop, forvard, opsion kabi xosilaviy moliyaviy vositalar;
- Ikki mamlakat o‘rtasida uzoq muddatli o‘zaro manfaatli sheriklikni rivojlantirish va bank sektorini o‘zgartirish bo‘yicha O‘zbekiston hukumati tomonidan ilgari surilgan bank faoliyatining boshqa sohalaridaga islohotlarni amalga oshirish;
- Bank xodimlarining malakasini oshirish maqsadida tajribaalmashish qo‘shma tadbirlarni o‘tkazish.
Loyiha O‘zbekiston Respublikasi Prezidentining 2022-yil 26-oktabrdagi “Respublikada mahalliy aviaqatnovlarni rivojlantirishga oid qo‘shimcha chora-tadbirlar to‘g‘risida”gi PQ-412-son qaroriga muvofiq amalga oshirilmoqda. Ushbu loyiha O‘zbekiston ichida mintaqaviy yo‘lovchi tashish hajmini kengaytirish imkonini beradi, ichki turizm va mintaqaviy havo qatnovini rivojlantirish uchun qulay sharoitlar yaratishga xizmat qiladi.
Ta’kidlash joiz-ki,“O‘zmilliybank” AJ va SocieteGenerale S.A. o‘rtasida, 2003-yildan boshlab, uzoq muddatli strategik hamkorlik yo‘lga qo‘yilgan bo‘lib, 20 yillik davr mobaynida tomonlar o‘rtasida 700 mln AQSH dollari miqdorida 9 ta loyiha amalga oshirilgan. Bu esa, o‘z navbatida, mamlakatning barcha hududlarida ko‘p sonli yangi ishchi o‘rinlarini yaratish imkonini berdi. Vakillik aloqalari sohasida yaqin hamkorlik yo‘lga qo‘yilgan bo‘lib, bu Fransiya va O‘zbekiston o‘rtasida hisob-kitob biznesini rivojlantirish va xalqaro to‘lovlarga xizmat ko‘rsatish imkonini bermoqda.
Ma’lumot o‘rnida, Societe Generale S.A. Yevropadagi eng yirik fransuz moliyaviy konglomeratlaridan biri bo‘lib, u BNP Paribas, Credit Agricole va Group BPCE bilan birgalikda fransuz bank bozorining “katta to‘rtligini” tashkil qiladi. Bank 1864yil 4mayda bir guruh sanoatchilar va moliyachilar tomonidan Societe Generale pour favoriser le development du commerce et de l’industriye en France (Fransiyada savdo va sanoatni rivojlantirish bo‘yicha umumiy jamiyat) nomi bilan tashkil etilgan.
Societe Generale S.A.ning asosiy faoliyati chakana bank, moliyaviy xizmatlar, sug‘urta, global bank va investitsiyalar. Societe Generale S.A. kapitali 73,7 mlrd AQSH dollarini, aktivlari esa 1,6 trln AQSH dollarini tashkil etadi. S&P (A), Fitch (A) va Moody’s (A1)tomonidan reytinglarga ega.
Reklama huquqi asosida.
Izoh (0)