Oktabr oyida O‘zbekistondagi eski uylar narxi qanday o‘zgargani tahlil qilindi. Bu haqda “Daryo”ga Iqtisodiy tadqiqotlar va islohotlar markazi xabar bermoqda.
Hisob-kitoblarga ko‘ra, oktabr oyida mamlakatda ikkilamchi bozorda uy-joylar (eski uylar)ning o‘rtacha narxi o‘sishi 2,3 foizni (sentyabrda — 1,1 foiz) tashkil qildi.
Xususan, yil boshidan buyon ikkilamchi bozorda 1 kvadrat metr uchun uy-joyning o‘rtacha narxi 11,4 foizga oshdi.
Toshkent shahrida va hududlar ma’muriy markazlarida ikkilamchi uy-joy narxlarining o‘zgarishi (1 kvadrat metr uchun dollarda):
Oktabr oyida narxlarning sezilarli o‘sishi Sirdaryo — 6,5 foiz, Qashqadaryo – 6,5 foiz va Toshkent shahrida — 4,6 foiz kuzatildi.
Toshkent shahrida ikkilamchi bozordagi uy-joy narxlarining o‘sishi 4,6 foizni (sentabrda 1,7 foiz) tashkil etdi.
Shu bilan birga, poytaxtda yil boshidan buyon o‘rtacha narxlar 19,8 foizga ko‘tarilgan bo‘lib, bu talabning, jumladan, chet el fuqarolarining kirib kelishi natijasida sezilarli darajada oshganini ko‘rsatdi.
Toshkent shahri va viloyatida ko‘chmas mulk oldi-sotdisi bo‘yicha tuzilgan shartnomalar soni:
Narxlar bo‘yicha eng yuqori o‘sish sur’atlari poytaxtning Yashnobod, Yunusobod va Shayxontohur tumanlarida qayd etildi.
Avvalroq Xitoyda uylar narxi yetti yillik eng past darajaga tushgani haqida xabar berilgandi.
Izoh (0)