“Men uchun bu yerdan yaxshi joy yo‘q”. Pep Gvardiola “Manchester Siti” bilan shartnomani uzaytirdi

“Manchester Siti” jamoa bosh murabbiyi Xosep Gvardiola bilan amaldagi shartnoma uzaytirdi.

Tomonlar 2025-yilning yoziga qadar mo‘ljallangan bitim imzolagan.

Gvardiola bu borada o‘z fikrlari bilan o‘rtoqlashdi:

Yana ikki mavsum “Manchester Siti”da qolishdan xursandman. Ishonch uchun minnatdorchilik bildiraman. Bu yerda menga yaxshi va qulay. O‘z ishimni iloji boricha yaxshi bajarish uchun menda hamma narsa bor.

Bu klub uchun yangi davr, keyingi dekada ajoyib o‘tadi. So‘nggi o‘n yillik yorqin o‘tdi va bundan keyingi o‘n yillik ham xuddi shunaqa bo‘ladi, chunki bu klub barqaror.

Bu yerda ilk kunlarimdanoq qandaydir o‘ziga xoslikni his qilganman. Men uchun bundan yaxshi joy yo‘q. Birgalikda ulkan muvaffaqiyatga erishishimizga ishonchim bor, shu bois qolishni va sovrinlar uchun kurashishni istadim.

Pep Gvardiola, murabbiy

2022/21-yilgi mavsumda “shaharliklar” Chempionlar Ligasida finalga qadar yetib borgan va unda “Chelsi”ga imkoniyatni boy bergan (0:1).

Mutaxassis bundan avval “Barselona” (2008—2012) va “Bavariya” (2013—2016) klublarida faoliyat yuritgan.