Futbol bo‘yicha JCH—2022 1-turida Fransiya va Avstraliya jamoalari 22-noyabr, seshanba kuni o‘zaro to‘qnash keldi.
Uchrashuvning 9-daqiqasida avstraliyaliklar Kreyg Gudvinning golidan keyin oldinga o‘tib oldi. Bunga fransuzlar birinchi bo‘limda Adriyen Rabyo va Olivye Jiruning gollari bilan javob qaytardi.
68-daqiqada Kilian Mbappe jamoasining uchinchi golini urgan bo‘lsa, oradan uch daqiqa o‘tib, Jiru hisobni yirik ko‘rinishga olib keldi. Qolgan vaqtda hisob o‘zgarmadi.
Shu tariqa ushbu g‘alabadan keyin “uchranglilar” uch ochko bilan guruh peshqadamligini o‘z qo‘liga oldi. Avstraliya esa 0 ochko bilan so‘nggi pog‘onada bormoqda. Guruhning dastlabki bahsida Daniya va Tunis o‘zaro durang o‘ynagandi.
JCH—2022
1-tur bahsi
22-noyabr, seshanba
Fransiya — Avstraliya 4:1
Gollar: 0:1 – 9 Gudvin, 1:1 – 27 Rabyo, 2:1 – 32 Jiru, 3:1 – 68 Mbappe, 4:1 – 71 Jiru.Fransiya: Lyoris, Pavar (Kunde, 89), Upamekano, Konate, Lyuka Ernandes (Teo Ernandes, 13), Rabyo, Tchuameni (Fofana, 77), Jiru (Tyuram, 89), Grizmann, Dembele (Koman, 77), Mbappe.
Avstraliya: Rayan, Atkinson (Degenek, 85), Suttar, Roulz, Bexich, Muy, Irvayn (Bakkus, 85), Makgri (Mabil, 73), Lekki, Dyuk (Kammings, 56), Gudvin (Kuol, 74).
Ogohlantirishlar: Dyuk (55), Irvayn (80), Muy (90+5).
Izoh (0)