«Мен учун бу ердан яхши жой йўқ». Пеп Гвардиола «Манчестер Сити» билан шартномани узайтирди

«Манчестер Сити» жамоа бош мураббийи Хосеп Гвардиола билан амалдаги шартнома узайтирди.

Томонлар 2025 йилнинг ёзига қадар мўлжалланган битим имзолаган.

Гвардиола бу борада ўз фикрлари билан ўртоқлашди:

Яна икки мавсум «Манчестер Сити»да қолишдан хурсандман. Ишонч учун миннатдорчилик билдираман. Бу ерда менга яхши ва қулай. Ўз ишимни иложи борича яхши бажариш учун менда ҳамма нарса бор.

Бу клуб учун янги давр, кейинги декада ажойиб ўтади. Сўнгги ўн йиллик ёрқин ўтди ва бундан кейинги ўн йиллик ҳам худди шунақа бўлади, чунки бу клуб барқарор.

Бу ерда илк кунларимданоқ қандайдир ўзига хосликни ҳис қилганман. Мен учун бундан яхши жой йўқ. Биргаликда улкан муваффақиятга эришишимизга ишончим бор, шу боис қолишни ва совринлар учун курашишни истадим.

Пеп Гвардиола, мураббий

2022/21 йилги мавсумда «шаҳарликлар» Чемпионлар Лигасида финалга қадар етиб борган ва унда «Челси»га имкониятни бой берган (0:1).

Мутахассис бундан аввал «Барселона» (2008—2012) ва «Бавария» (2013—2016) клубларида фаолият юритган.