Germaniya Rossiya maxsus operatsiyasi boshlanishidan avval Ukraina tezda mag‘lub bo‘lishiga ishongan. Bu haqda Buyuk Britaniya sobiq bosh vaziri Boris Jonson ma’lum qildi.
“Nemislar muayyan vaqtga kelib shunday pozitsiyani egalladiki, ular agar bu amalga oshsa, falokat bo‘ladi, hammasi tezroq tugab, Ukraina yengilsa, yaxshiroq bo‘ladi, deb o‘yladi”, — dedi u.
Germaniya vakillari o‘z pozitsiyasini “jiddiy iqtisodiy sabablar” bilan izohlagan, dedi siyosatchi. Fransiya hukumati esa, sobiq bosh vazir so‘zlariga ko‘ra, qurolli to‘qnashuv ehtimolini “so‘nggi lahzagacha inkor qilgan”. Jonson aynan qaysi mansabdorlar haqida gapirayotganiga aniqlik kiritmadi.
Italiya sobiq bosh vaziri Mario Dragi hukumati a’zolari, Jonsonning aytishicha, mamlakat Rossiya energiya manbalariga “qattiq bog‘liq bo‘lgani” sababli, unga bosim o‘tkazishga urinishlarni “qo‘llab-quvvatlay olmasligi”ni bildirgan.
Rossiya prezidenti Vladimir Putin Ukrainada maxsus operatsiya boshlangani haqida 24-fevral kuni e’lon qildi. Mudofaa vazirligi uning bosh vazifasi Donbassni to‘liq ozod qilish ekanini aytdi. Tashqi ishlar vaziri Sergey Lavrov Moskva sharqiy Ukraina va Rossiyaning xavfsizligini ta’minlashga intilayotganini aytdi.
Italiya, Fransiya va Germaniya Rossiya maxsus operatsiyasi boshlanganidan keyin Ukrainaga qurol yetkazib berishni boshladi. Uchala davlat ham G7 (“katta yettilik”)ga kiradi, tashkilor ko‘p marotaba Kiyevni qo‘llab-quvvatlashini bildirgan. Germaniya kansleri Olaf Shols Ukrainaga qancha kerak bo‘lsa, shuncha yordam berishga va’da bergan.
Izoh (0)