Германия Россия махсус операцияси бошланишидан аввал Украина тезда мағлуб бўлишига ишонган. Бу ҳақда Буюк Британия собиқ бош вазири Борис Жонсон маълум қилди.
«Немислар муайян вақтга келиб шундай позицияни эгалладики, улар агар бу амалга ошса, фалокат бўлади, ҳаммаси тезроқ тугаб, Украина енгилса, яхшироқ бўлади, деб ўйлади», — деди у.
Германия вакиллари ўз позициясини «жиддий иқтисодий сабаблар» билан изоҳлаган, деди сиёсатчи. Франция ҳукумати эса, собиқ бош вазир сўзларига кўра, қуролли тўқнашув эҳтимолини «сўнгги лаҳзагача инкор қилган». Жонсон айнан қайси мансабдорлар ҳақида гапираётганига аниқлик киритмади.
Италия собиқ бош вазири Марио Драги ҳукумати аъзолари, Жонсоннинг айтишича, мамлакат Россия энергия манбаларига «қаттиқ боғлиқ бўлгани» сабабли, унга босим ўтказишга уринишларни «қўллаб-қувватлай олмаслиги»ни билдирган.
Россия президенти Владимир Путин Украинада махсус операция бошлангани ҳақида 24 февраль куни эълон қилди. Мудофаа вазирлиги унинг бош вазифаси Донбассни тўлиқ озод қилиш эканини айтди. Ташқи ишлар вазири Сергей Лавров Москва шарқий Украина ва Россиянинг хавфсизлигини таъминлашга интилаётганини айтди.
Италия, Франция ва Германия Россия махсус операцияси бошланганидан кейин Украинага қурол етказиб беришни бошлади. Учала давлат ҳам G7 («катта еттилик»)га киради, ташкилор кўп маротаба Киевни қўллаб-қувватлашини билдирган. Германия канцлери Олаф Шольц Украинага қанча керак бўлса, шунча ёрдам беришга ваъда берган.
Изоҳ (0)